Semeytany.kz – Бородулиха ауданында көлік инфрақұрылымын жақсартуға бағытталған кешенді бағдарлама аясында республикалық, облыстық, аудандық және ауылішілік жолдарда жөндеу жұмыстары қарқын алды.
Республикалық маңызы бар «Семей – РФ шекарасы» автожолының 19–46 шақырымында ресайклинг әдісімен орташа жөндеу жүргізілуде. Облыстық деңгейде «Бородулиха – Жезкент» және «Дмитриевка – Бородулиха – облыс шекарасы» бағыттарындағы бірнеше учаскелерде «Семей жолдары» ЖШС мердігері жұмыс істеп жатыр.
Аудандық маңызы бар «Новопокровка – Бел-Ағаш» және «Бородулиха – Жерновка – Пол-Лог» жолдарында шұңқырларды жамау мен тегістеу жұмыстары атқарылды. «Ауыл – ел бесігі» бағдарламасы аясында Песчанка ауылындағы бес көше жөнделіп, Зенковка ауылындағы төрт көшенің жұмысы толық аяқталды.
Барлық жобалардың сапасын «Жол активтерінің ұлттық сапа орталығы» қадағалауда.
