Semeytany.kz — Абай облысы әкімінің бірінші орынбасары Ербол Садыр Қытай Халық Республикасынан келген инвесторлар делегациясымен кездесу өткізді.
Кездесуге «КазНацПроект» ЖШС, «Юг-Сапа Сервис» ЖШС, «RiYeGou» ЖШС, «Commere Line» ЖШС және «Red Coast» ЖШС өкілдері қатысты. Тараптар тау-кен өндіру, ағаш өңдеу, өнеркәсіптік құрылыс және ауыл шаруашылығы дрондарын шығару бағыттары бойынша бірлескен жобалардың мүмкіндіктерін қарастырды.
Әңгіме өзара сенім мен түсіністік жағдайында өтіп, өңір экономикасын дамыту, инвестициялық тартымдылығын күшейту және ұзақ мерзімді серіктестік орнату ниеті расталды.
