Semeytany.kz — Азаматтық қорғау саласының материалдық-техникалық базасын нығайту аясында Абай облысының Төтенше жағдайлар департаменті автопаркі 5 заманауи өрт сөндіру көлігімен толықты.
Жаңа партияның құрамында өтімділігі жоғары КАМАЗ базасындағы үш АЦ-5-40 маркалы өрт сөндіру автоцистернасы және сондай-ақ КАМАЗ шассиіндегі екі сорғы-жең өрт сөндіру автомобили (СЖА) бар.
АЦ-5-40 автоцистерналары өрт сөндіру сорғысымен және арнайы сыйымдылықтармен жабдықталған, жеке құрамды, техника мен қажет құрал-жабдықтарды оқиға орнына жылдам жеткізуге арналған. Ал СЖА ірі өрттерде үздіксіз су беруді қамтамасыз етіп, 2 шақырымға дейінгі арақашықтықта магистралдық желі тартуға және резервтік су қорын ұйымдастыруға мүмкіндік береді.
