Semeytany.kz — Бейжіңде «Қазақстан темір жолы» ҰК» АҚ Басқарма төрағасы Талғат Алдыбергенов пен China Communications Construction Company (CCCC) президенті Чжан Биннан «Бақты – Аягөз» теміржол желісін салу жобасының іске асырылу барысын талқылады. Кездесуде жоба бойынша кешенді келіссөздер өтіп, негізгі міндеттер нақтыланды.
Тараптар жұмылдыру қарқынын арттыру, қосымша ресурстарды тарту және жұмыстарды тиімді жүргізу үшін жұмысшыларға арналған қоныстану орындарын жедел жайластыру қажеттігін атап өтті. Қытай тарапы жер жұмыстарына қатысты жобалау мен орындауды қысқа мерзімде жандандыру жөнінде міндеттеме алды.
Аталған жоба Қазақстан мен Қытай арасындағы көліктік-логистикалық ынтымақтастықты күшейтіп, өңірдің транзиттік әлеуетін арттыруға стратегиялық серпін береді. Құрылысты 2027 жылдың соңында аяқтау жоспарланған. Жобаны жүзеге асыруға ҚТЖ мен Абай облысы басшылығы жан-жақты қолдау көрсетеді.
