Тамыз айының соңында Жезқазған қаласында ХХХІІІ дәстүрлі республикалық «Ұлытау үні» фестивалі өтті. Фестивальдің негізгі мақсаты – ұлттық өнерді ұлықтап, ел ішіндегі өнерпаздардың шығармашылығын дәріптеу.
Осы ауқымды мәдени шара аясында «Қазақ вальсінің королі» атанған әйгілі композитор Шәмші Қалдаяқовтың туғанына 95 жылдығына арналған әншілер байқауы да өткізілді. 14 облыстан бір-бір үміткер қатысқан осы додада Абай облысының атынан Қайнар мәдениет үйінің қызметкері, әнші-актер Бисәт Шағыр бақ сынады.
Қазақ өнерінде аты мәлім Кенжеғали Мыржықбай, Қорабай Есенов тағы да басқа өнер қайраткерлері қазылық еткен байқауда жерлесіміз дипломант атанып қайтты.
«ST» — ақпарат
