Semeytany.kz — 2025 жылғы 20–21 қыркүйекте Астанада Абай облысының ауыл шаруашылығы жәрмеңкесі өтті. Шараға Семей қаласы мен өңірдің барлық аудандарынан келген өндірушілер қатысып, сапалы тауарларын елордалықтарға ұсынды.
Жәрмеңкеде жалпы көлемі 350 тоннадан астам, 20-ға жуық өнім түрі саудаланды. Атап айтқанда, 130 тонна сиыр, жылқы және қой еті, 4 тонна құс еті, 80 тонна көкөніс (картоп, сәбіз), 1 тонна өсімдік майы, 7 тонна сүт өнімдері, 70 тонна бал, 4 тонна ұлттық тағам, 2 тонна қымыз, 2 тонна шұжық және 50 тонна бақша өнімдері жеткізілді.
Елорда тұрғындары мен қонақтары дәстүрлі ауыл шаруашылығы жәрмеңкесінде дәмі мен сапасы жоғары өнімдерді қолайлы бағамен сатып алу мүмкіндігіне ие болды. Шара «Абай елі – өнер кеніші» атты концерттік бағдарламамен әрленді.
