Semeytany.kz — Бородулиха ауданында «Таза Қазақстан» бағдарламасы аясында көгалдандыру жұмыстары жалғасып жатыр. Жыл соңына дейін 7000 түп ағаш отырғызу жоспарланған.
Көктем айларында қарағай, шырша, қайың, терек және жұмсақ жапырақты қарағаштан тұратын 4700 түп көшет егілді. Демеушілердің қолдауымен қосымша 3000 түп емен және 200 түп қайың сатып алынып, ауданның 17 ауылдық округі мен Жезкент кентіне үлестірілді.
Көшеттер саябақтарда, мектептердің аумағында, тоған жағалауларында, түрлі мекемелер мен колледждерде отырғызылуда. Аудан тұрғындары да үй айналасын көгалдандыруға атсалысып, мұғалімдер, оқушылар, мемлекеттік қызметкерлер, зейнеткерлер мен жастар белсенді қатысып келеді.
Облыста 2024–2029 жылдарға арналған экологиялық мәдениетті дамыту тұжырымдамасы бекітілген. 44 іс-шараны қамтитын құжаттың мақсаты – өңірдің экологиялық ахуалын жақсартып, табиғатты қорғау ісіндегі қоғамдық жауапкершілікті күшейту.
