Semeytany.kz – Ақорданың мәліметінше, Мемлекет басшысының өкімімен Зүлфия Сүлейменова Президенттің кеңесшісі – халықаралық экологиялық ынтымақтастық жөніндегі арнайы өкіл лауазымынан босатылды.
Зүлфия Сүлейменова 1990 жылы Ақтөбеде туған. Л.Н.Гумилев атындағы ЕҰУ-ді «Халықаралық қатынастар» мамандығы бойынша тәмамдап, магистр дәрежесін алды. 2016 жылдан Жапониядағы GRIPS институтында PhD бағдарламасында білім алды.
Еңбек жолында ҚСЗИ-де ғылыми қызметкер болды, БҰҰ құрылымдарында қызмет атқарды. Кейін Экология, геология және табиғи ресурстар министрлігінің Климаттық саясат және жасыл технологиялар департаменті директорының орынбасары, VII шақырылым Мәжіліс депутаты, вице-министр, 2023 жылғы 4 қаңтардан 1 қыркүйекке дейін Экология және табиғи ресурстар министрі болды. 2023 жылдың 21 қыркүйегінен бері Президенттің кеңесшісі – халықаралық экологиялық ынтымақтастық жөніндегі арнайы өкіл міндетін атқарған еді.
