Semeytany.kz – Абай облысы бойынша ҚР ҰҚК Шекара қызметі департаментінде өткен саптық жиында шекарашылар ел қорғау жолында жандарын шүберекке түйген батырлардың бірі Раджан Батырхановты бір минут үнсіздікпен еске алды.
1994 жылдың 28 қыркүйегінде тәжік-ауған учаскесінде 200-ден аса қарулы содыр шекара бұзуға тырысқанда, Раджан Батырханов қарсы шабуылдың флангін байлап, бөлімшесіне қорғаныс түзеуге мүмкіндік берді. Ауыр жараланса да, артқа шегінбей, офицер Владимир Селюкті оқ жауынан құтқарып шығарған. Оның осы әрекеті бөлімнің өмірін сақтап қалуға зор үлес қосты.
Департамент бастығының орынбасары, полковник Нурлан Исаханович Бекмагамбетов жауынгердің ерлігін ерекше рухтың көрінісі деп атап өтті: Батырхановтың аты әр шекарашыға қызметтің өмір мен өлім шегіндегі жауапкершілігін еске салады, деді ол. «Застава тарландары» республикалық қоғамдық ардагерлер бірлестігінің Абай облыстық филиалының төрағасы, запастағы подполковник Анарбек Еркинович Еркешов те сөз сөйлеп, батырдың өмір жолы жас буынға патриотизм мен қайсарлықтың мектебі екенін айтты.
Рәсім – өткенге тағзым ғана емес, қызметтегі сарбаздардың Отан алдындағы парық-парызға берік екенін айғақтаған маңызды сәт болды.
