Semeytany.kz — «AMANAT» партиясының Абай облыстық филиалы жанындағы қоғамдық қабылдау бөлімінде Қазақстан Республикасы Парламенті Мәжілісінің депутаты, «AMANAT» партиясы фракциясының мүшесі, Экономикалық реформа және өңірлік даму комитетінің төрағасы Нұртай Салихұлы Сабильянов тұрғындарды жеке мәселелері бойынша қабылдады.
Қоғамдық қабылдауға келген азаматтар әлеуметтік қолдау, тұрғын үй алу тәртібі, жұмыспен қамту және өзге де күн тәртібіндегі түйткілдерге қатысты өтініш-тілектерін айтты. Депутат тұрғындардың сауалдарын тыңдап, бірқатар мәселе бойынша нақты түсініктеме берді.
Қабылдау барысында көтерілген өтініштердің заң аясында қаралатыны, қажеттілігіне қарай тиісті органдарға жолданатыны және бақылауға алынатыны айтылды.
