Semeytany.kz — Семей қаласының қақ ортасындағы қоқыс жәшігінен жаңа туған нәрестенің мәйіті табылды. Оқиғаға қатысты ақпаратты Абай облысының полиция департаменті хабарлады.
Полиция мәліметінше, жантүршігерлік жағдай 2026 жылғы 3 ақпанда тіркелген. Оқиға орнына жедел жеткен құқық қорғау органдары алғашқы тергеу шараларын жүргізген.
Алғашқы анықтама барысында үй жағдайында босанған 20 жастағы қыз анықталған. Оның айтуынша, сәби өлі туған. Аталған дерек бойынша сотқа дейінгі тергеу басталып, нәрестенің мәйіті сараптамаға жіберілді.
Полиция департаменті тұрғындарды осындай қиын жағдайда заңды жолмен көмек сұрауға шақырып, оқиғаның мән-жайы толық анықталғанға дейін ақпаратты тек ресми дереккөздерден алуды ескертті. Сараптама қорытындысына сәйкес, іске қатысы бар тұлғаларға құқықтық баға берілмек.
