"Семей таңы" газеті
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
PDF нұсқа
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
"Семей таңы" газеті
PDF
Нәтиже табылмады
Барлық нәтижені қарау

ТОЙ ТУРАЛЫ ОЙ

28.08.2019
17
Қаралды
Facebook-ке бөлісуWhatsapp-қа бөлісуTelegram-ға бөлісу

Тиісе берді деп кінә арта көрмеңіздер, бірақ ақиқатты айту — біздің міндет.

Өткен жылы Баймұрат Бәйімбетұлына ескерткіш қойып, үлкен іс-шара өткізген Зайсан елі таяуда тағы да батыр бабаның туғанына 310 жыл толуын тойлады. Биылғы іс-шараға да аудан әкімдігі, аудандық мәдениет, ауыл шаруашылығы, басқа да бөлімдер, қысқасы, бүкіл зайсандықтар бірнеше күн дайындалды. Өнер жұлдыздарының қатысуымен гала-концерт, қазақ күресінен, көкпар, жорға, аламан бәйгеден спорттық жарыстар өткізіліп, батырға арналып ас та берілді.

Бұл орайда ең бірінші айтарымыз — мерейтойларды өткiзу мен атаулы даталарды мерекелеу туралы Қазақстан Республикасының Қаулысында: «Жалпыхалықтық тарихи және мәдени маңызы бар атаулы оқиғалардың даталары, аса зор жетiстiктерге қол жеткiзген облыстардың, қалалардың, кәсiпорындардың, ұйымдардың, ғылыми және мәдени мекемелердiң, оқу орындарының, қоғамдардың мерейтойлары елу жыл толғанда, жетпiс бес жылдығында, жүз жыл толғанда, одан әрi әрбiр жиырма бес жыл сайын атап өтiлетiн болсын»,- деп анық жазылған.

Ендеше, Баймұрат батырдың 310 жылдығын атап өту ресми тұрғыдан дұрыс емес.

Осы тойға қатысу үшін алыс-жақыннан ығай мен сығайлар Зайсанға ағылды. Жиналғандар-дың омырауларына арнайы дайындалған «Баймұрат батыр» деген медаль тағылғаны жайлы Сәдібек Түгелдің  Facebook әлеуметтік желісіндегі жазбасынан оқып білдік. Әлеуметтік желінің белсенді қолданушысы, жазушы ағамыз: «…Той үстінде Зайсан ауданының әкімі, абзал азамат Ақтанов Серік Қасымбекұлы құттықтау сөз сөйлеп, «Баймұрат батыр» мерекелік медалімен бір топ азаматтарды марапаттады. Соның ішінде мен де бармын…» деген жазба қалдырыпты.

Қысқасы, аспаннан «медаль жауған» ғасырда өмір сүріп жатырмыз, ардақты оқырман. Қазір аудан, ауылдарда өткізілетін іс-шараларға арнап жаппай медаль жасату дәстүрге айналып кетті. Бүгін осы медальдардың қадірі де кетіп қалғанын байқап жүрміз… Өз басым бұл үрдісті креативті ойлауға қабілетті кадрлардың жетіспеушілігінің белгісі деп бағалаймын.

Ал осы жазбаға желі қолданушылардың тіркеген пікірлеріне де бір сәт назар аударып көрелік:

Қарлыгаш Бақытбекова: «Әрине, жақсы шығар! Алайда, 2-3 адам қосылып, әркім атасына той жасайтын, ескерткіш ашып, ешкім білмейтін батыр тауып табынатын әдет індет сияқты болып кетті ме? Одан да өсіп келе жатқан ұрпаққа үлгі-өнеге болатын, жүйелі тәрбие болатын әлеуметтік жобаларға неге көңіл бөлінбейді екен???»

Жанна Саятовна: «Адам танымайтын батырларға ескерткіш орната бермей, тозған Зайсанды жөндесеңдерші. Серік Зинабековичтің кезінде қандай еді Зайсан! Тозығы жетіп, жерінің шаңы шығып, асфальттың өкпесі тесіліп жатыр. Жаз бойы шырылдап шегіртке болып жүрмей, қыстың қамын ойлаңыз, әкімшілік!!!!!!»

Ал Facebook әлеуметтік желісіндегі жоғарыдағы жазбаларға әкімшіліктің ішкі саясат бөлімінің қызметкері Гүлден Сайранова: «Ескерткішті әкімшілік емес, батырдың ұрпақтары өз қаржысына орнатты. Әкімшіліктен 1 тиын шыққан жоқ. Ескерткіш орнатқан ағалар Дайыр ауылында тұратын 1 отбасына үй алып берді. Республикаға танымал ақындарды шақырып, халыққа тегін айтыс ұйымдастырып берді. Ал Зайсанды шаңнан арылту олардың жұмысы емес деп ойлаймын» деген жауап қалдырыпты.

«Қазақтың батыры Баймұрат Бәйімбетұлы» атты кітаптың тұсаукесер рәсімі де осы іс-шаралардың қатарында өтті. Кітап шығару тақырыбы да бүгін ерекше тоқтала кетуді қажет етеді. Соңғы кездері ел ішінде қолдан жасалған ғалымдар мен жазушылар көбейіп кетті. Баспа көп. Кітап шығару қиын емес. Демеуші тауып алса болғаны, әркім өз ата-бабасын дәріптеп, әр жерден бір көшіріп кітап шығара беретін болды. Ал сол кітап авторларына көз жүгіртіп көріңіздерші, кешегі шенеунік те, зоотехник те, қойшы да бүгін «абайтанушы» немесе «алаштанушы» атанып жүр. «Абайтанушы» немесе «алаштанушы» атағы — зерттеу жұмысы арнайы құрылған ғылыми кеңесте бекітіліп, мойындалған ғалымдарға ресми түрде берілетін атақ. Білім деңгейінің шектеулі ресурстарына қарамай тарихты ойыншыққа айналдырып жүргендердің қатарының көбейіп бара жатқаны ұлт болашағы үшін қауіпті жағдай. Абайдың «Есектің артын жусаң да мал тап» деген ұлағаты ғылымға жүрмейді, бұл жерде ақынның «Пайда ойлама, арды ойла» деген тәмсілін есте ұстаған жөн екенін ащы да болса ашық айтамыз.

Елбасы Нұрсұлтан Назарбаев: «Ұлы батырларымыздың тарихын асқан жауапкершілікпен дұрыстап зерттеу, зерделеу арқылы олардың ерлік істерін кейінгі келер ұрпаққа жеткізу — біздің парасатты парызымыз»,- дегені естеріңізде болар. Бұл сөздің астарында үлкен салмақ жатыр. Тарих қателікті кешірмейді. Бүгін жалмауыз ғаламтордың ақ пен қараны талғамай жұта беретін ойлы-қилы дәуірінде өмір сүріп жатырмыз. Қолдан жасалған «абайтанушылар» мен «алаштанушылардың» дүбәра еңбегі ертеңгі ұрпақты тарихты таразылау кезінде қателікке ұрындыра ма деген қауіп — бүгін көпті алаңдатып жүрген мәселе… Болашақта осы іс заң жүзінде тәртіпке келтірілуі қажет деп ойлаймыз.

Бізбен телефон арқылы байланысқа шыққан зайсандық азамат:

— Қала сыртында 8 ауылдық округ пен облыстық мәслихаттың депутаты Болатбек Нұрасыл тіккен киіз үйлер қалашығында дастарқан мәзірі дайындалды. Дайыр ауылдық округі ғана үй тіккен жоқ. Әр киіз үйдегі дастарқан мәзіріне орташа есеппен 40-60 мың теңге көлемінде қаржы жұмсалып, бір қойдан сойылды. Бюджетте қарастырылмаған бұл шығын халықтың қалтасынан жиналды, — дейді. Аты-жөнін атамағанымен, дауысынан байқадық, наразылығын айтып жеткізе алмай тұр…

Әрине, ұлан-ғайыр жерімізді бүгінгі ұрпағына мұра етіп қалдыруға өлшеусіз үлес қосқан Қабанбаймен үзеңгілес әйгiлi батырлардың бiрi Баймұрат бабаның тарихтағы орнын кемсітуден, ерлігіне күмән келтіруден аулақпыз. Алайда ел ішінде басқа да шешімін күткен мәселелер толып жатқан күрделі уақытта жыл сайын той жасаудың қажеті бар ма еді?

Риза АСАНҚЫЗЫ{jcomments off}

 

Ұқсас жаңалықтар

Кәсіпкерлікті дамыту – қуатты экономика қалыптастырудың маңызды шарты

14.11.2026
Кәсіпкерлікті дамыту – қуатты экономика қалыптастырудың маңызды шарты

Қазақстан экономикасының тұрақты дамуы, жаңа жұмыс орындарының ашылуы және халықтың әл-ауқатының артуы кәсіпкерлік саласының өркендеуімен тығыз байланысты. Президент Қасым-Жомарт Тоқаевтың...

Толығырақ...Details

Сот арқылы қорғалу – азамат құқықтарының маңызды кепілдігі

14.11.2026
Сот арқылы қорғалу – азамат құқықтарының маңызды кепілдігі

Адам құқықтары мен бостандықтарын қорғау құқықтық мемлекеттің басты міндеттерінің бірі. Қазақстан Республикасының Конституциясы әрбір адамның заңды мүдделерін қорғауға, әділ сот...

Толығырақ...Details

Абай облыстық мәслихаты депутаттығына кандидаттарды партиялық тізім бойынша партиялық тізім ұсынған саяси партиялардың сайлау қорлары қаражаттарының түскені және жұмсалғаны туралы есеп

14.11.2026

  Абай облыстық мәслихаты депутаттығына кандидаттарды партиялық тізім бойынша партиялық тізім ұсынған саяси партиялардың сайлау қорлары қаражаттарының түскені және жұмсалғаны...

Толығырақ...Details

Су ресурстарын сақтау және экологиялық қауіпсіздік: елдің тұрақты дамуының маңызды шарты

13.11.2026
Су ресурстарын сақтау және экологиялық қауіпсіздік: елдің тұрақты дамуының маңызды шарты

Қазақстанның тұрақты дамуы табиғи ресурстарды тиімді пайдалану және қоршаған ортаны қорғау мәселелерімен тығыз байланысты. Президент Қасым-Жомарт Тоқаевтың Жолдауында айқындалған экономиканы...

Толығырақ...Details

Әлеуметтік қамсыздандыру – азаматтардың конституциялық құқығы

13.11.2026
Әлеуметтік қамсыздандыру – азаматтардың конституциялық құқығы

Азаматтардың әлеуметтік қорғалуы мен әл-ауқатын қамтамасыз ету мемлекеттің маңызды міндеттерінің бірі. Қазақстан Республикасының жаңа Конституциясында әлеуметтік кепілдіктерді сақтау, халықтың осал...

Толығырақ...Details

«Санаткер ұлт» жобасының кезекті басқосуы өтті

13.11.2026
«Санаткер ұлт» жобасының кезекті басқосуы өтті

Елордадағы Ұлттық академиялық кітапханада «Egemen Qazaqstan» газетінің «Санаткер ұлт» жобасы аясындағы кезекті дөңгелек үстел өтті. Мемлекет басшысы Қасым-Жомарт Тоқаевтың жаңа...

Толығырақ...Details

Жаңалықтар

Кәсіпкерлікті дамыту – қуатты экономика қалыптастырудың маңызды шарты

2 дня бұрын

Сот арқылы қорғалу – азамат құқықтарының маңызды кепілдігі

2 дня бұрын

Абай облыстық мәслихаты депутаттығына кандидаттарды партиялық тізім бойынша партиялық тізім ұсынған саяси партиялардың сайлау қорлары қаражаттарының түскені және жұмсалғаны туралы есеп

2 дня бұрын

Су ресурстарын сақтау және экологиялық қауіпсіздік: елдің тұрақты дамуының маңызды шарты

3 дня бұрын

Әлеуметтік қамсыздандыру – азаматтардың конституциялық құқығы

3 дня бұрын

«Санаткер ұлт» жобасының кезекті басқосуы өтті

3 дня бұрын

ҚАЗАҚСТАНДЫҚТАР 59 КҮНДЕ 1 102 560 КІТАП ОҚЫҒАН: «КІТАП ОҚИТЫН ҰЛТ» РЕСПУБЛИКАЛЫҚ МАРАФОНЫ ТАРИХИ БЕЛЕСТІ БАҒЫНДЫРДЫ

3 дня бұрын

Үржар ауданында инвестиция көлемі артып, жаңа өндіріс орындары іске қосылды

3 дня бұрын

Үлкен ауылында 33 мыңға дейін тұрғыны бар атомшылар қалашығын салу жоспарлануда

3 дня бұрын

Жаңа ауруханалар, стадион және мыңдаған шаршы метр тұрғын үй: Абай облысында қандай нысандар салынып жатыр?

4 дня бұрын
Тағы оқу...

Директор:
Риза Асанқызы Молдашева

Веб-менеджер:
Ерлан Айқынұлы


«Семей таңы» газеті 1969 жылы «Құрмет белгісі» орденімен, 2009 жылы ҚР Президентінің БАҚ саласындағы
грантымен марапатталған.

Редакция мекенжайы:

F18A5H3, Семей қаласы,
Қайым Мұхамедханов көшесі,12.

Байланыс:

Директордың қабылдау бөлмесі — 523657;
бас редактор — 520984;
Жарнама және баспасөзге жазылу бөлімі — 560803;
факс — 520475.

 

e-mail:
info@semeytany.kz


Қазақстан Республикасы Ақпарат және коммуникациялар министрлігі берген қайта тіркеу куәлігі
№7220-Г, 30.07.2018.ж.


Яндекс.Метрика

© «ABAI AIMAQ MEDIA» ЖШС

Нәтиже табылмады
Барлық нәтижені қарау
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік

© «Семей таңы газеттері – Вести Семей» ЖШС