Сәрсенбі, 4 қыркүйек күні Шығыс Қазақстан облысының әкімі Даниал Ахметов облыстық актив жиынын өткізіп, Президент Қасым-Жомарт Тоқаевтың 2 қыр-күйектегі Қазақстан халқына Жолдауын талқылады. Жиынға аймақ басшысы Даниал Ахметов, облыстық және қалалық мәслихат депутаттары, саяси партиялардың, қоғам-дық бірлестіктердің өкілдері, кәсіпкерлер, Президент Әкімшілігінің мемлекеттік и{jcomments off}нспекторы Талғат Байзатов қатысты.
Семей қалалық әкімдігінде мемлекеттік қызметкерлер мен мәслихат депутаттары облыстық актив жиынын онлайн түрде көру мүмкіндігіне ие болды.
Жолдауда айтылған басым-дықтарға назар аударған облыс басшысы Даниал Ахметов бұл құжат аясында аймақта атқарылатын жұмыстарға екпін берді. Жолдаудың «Заман талабына сай тиімді мемлекет» атты бірінші бөліміне тоқталған Даниал Ахметов облыс әкімінің аппаратына, қалалар мен аудандардың әкімдеріне халықпен жұмыс істеуді күшейтуді, азаматтардың қоғамдық қабылдау бөлмесімен байланысқа шығу мүмкіндігін арттыруды тапсырды. 2022 жылға қарай тұрғындардан келіп түскен сұрақтардың 90%-ы қанағаттанарлық жауап алуы керек.
Халық сеніміне ие болу үшін барлық деңгейдегі басқармалар мен бөлім басшылары, әкімдер әлеуметтік желілердегі ресми парақшаларын белсенді жүргізіп, сапалы, нақты және шынайы ақпарат жеткізуі, тұрғындармен тікелей эфир, сұрақ-жауап арқылы байланысқа шығып отыруы тиіс.
Аймақ басшысы осындай тапсырма берді. Сонымен қатар әкімдер қоғамдық қабылдау бөлмелерінде азаматтарды сан-дық форматта қабылдайтын болады, яғни онлайн байланысқа шығады.
Аймақ басшысы өз баяндамасында, Жолдауда айтылғандай, аймақта шағын және орта кәсіпкерлікке нақты қолдау жасалатынын, келер жылдан бастап олар үш жылға дейін салықтан босатылатынын, сонымен бірге жұмыс берушілердің қызметкерлер үшін қосымша 5 пайыздық зейнетақы жарнасын аударуы 2023 жылға дейін шегерілетінін айтты.
– Мемлекет басшысы Қасым-Жомарт Кемелұлы атап көрсеткендей, облысымызда кәсіпкерліктің дамуына, білім беру, медициналық қызмет көрсету сапасын жаңа деңгейге көтеруге және туризм саласын түбегейлі дамытуға бұрынғыдан да ерекше көңіл бөлінеді. Семейде елімізде алғашқы болып гибридті ота залы ашылды, жақын арада Жедел медициналық жәрдем ауруханасы халықаралық стандарттарға сай жұмыс істейтін болады. Онкология орталығы заманауи құралдармен жабдықталуда. Сонымен қатар бір жылдан кейін Семейде Ядролық медицина және онкология орталығы ашылады деп жоспарлануда. Бұл орталық онкологиялық ауруларды ерте бастан анықтауға және емдеуге үлкен мүмкіндік бермек. Дәрігерлердің біліктілігін көтеруге көп көңіл бөлудеміз, — деді Д.Ахметов.
Сыбайлас жемқорлықпен күрес жұмыстары күн тәртібінен түспейді. Бұл бағытта облыста «Шығыс – адалдық алаңы» жобасы әрі қарай жалғаса береді. Құқық қорғау органдарының қызметі күшейтіледі. Жастар жылы аясында ауқымды шараларды қамтыған жастар форумы өтеді, қоғамдық қабылдаулардың жұмысы қайта жанданады. Сондай-ақ аз қамтылған және көпбалалы отбасылардың балаларына қолдау көрсету жалғаса береді. Облыста отбасылық табысы азайған тағы 144 көпбалалы ана атаулы әлеуметтік көмекке ие болады. Туризмді дамыту бағытында Алакөл жағалауын жаңғырту, абаттандыру, жаңа нысандар салу әрі қарай жалғасады. Сонымен қатар жақында Катонқарағай ауданында «Алтай» емдеу-сауықтыру орталығының құрылысы басталады.
Түлектерге берілетін грант саны көбейеді. Облыс, қала, аудан әкімі есебінен берілетін грант санының өсуіне байланысты соңғы үш жылда аймақта шетелге оқуға кететін түлектер саны 3 есеге азайған. Өскеменде физика-математика бағытындағы зияткерлік мектеп ашылады. Мұғалімдерді біліктілікті арттыру курстарынан өткізу 2 есе көбейеді. Сонымен қатар ауыл шаруашылығын, сүт өндірісін дамыту жұмыстары жалғаса береді.
Актив жиынында Даниал Ахметов «Nur Оtan» партиясының облыстық, қалалық және аудандық филиалдарына «Халыққа көмек» жобасы аясында халықпен кері байланыс орнатуды, қоғамдық қабылдаулардың жұмысын күшейтуді тапсырды.
Мемлекет басшысы Жол-дауында «Қазақ халқының мемлекет құраушы ұлт ретіндегі рөлін бекемдеп, этносаралық татулық пен дінаралық түсіністікті қалыптастыра беруіміз қажет. Біздің ұстанымымыз: «Ел бірлігі – оның әралуандығында!». Еліміздегі этникалық топтардың тілі мен мәдениетін дамытуға жағдай жасай береміз. Қазақ тілінің мемлекеттік тіл ретіндегі рөлі күшейіп, ұлтаралық қатынас тіліне айналатын кезеңі келеді деп есептеймін. Бірақ мұндай дәрежеге жету үшін бәріміз даңғаза жасамай, жұмыла жұмыс жүргізуіміз керек»,- деп атап көрсеткені белгілі. Облыс әкімі бұл бағытта да жұмыс істеу қажет екенін, облысымызда өзге ұлт өкілдеріне қазақ тілін үйрететін 12 орталық ашылатынын жеткізді. Сонымен қатар Тәуелсіздіктің 30 жылдығын жоғары деңгейде атап өту үшін жүйелі жоспар жасау туралы тиісті бөлім басшыларына, мәдениет саласы қызметкерлеріне тапсырма берді.
Келер жылды Мемлекет басшысы Қасым-Жомарт Тоқаев Еріктілер жылы деп жариялады. — Еріктілер жылы қарсаңындағы басты міндет — азаматтардың, әсіресе еріктілердің қызметімен айналысатын жастардың санын арттыру, — деді облыс басшысы.
Сонымен қатар аймақ басшысы ШҚО-да Инвесторларды тарту және инвестициялық жобаларды дамыту орталығы ашылатынын мәлімдеді.
— Осы жылдың жеті айында облыс экономикасына шамамен 335 миллиард теңге инвестиция тартылды. Осы айда облыста инвесторларды тарту және инвестициялық жобаларды дамыту орталығы ашылады. Бұл орталық инвестициялық жобаларды қолдау үшін барлық мүмкіндіктерді қарастыруға көмектеседі, — деді Даниал Ахметов.
Даниал Кенжетайұлы Жол-дауда айтылған барлық бағыт-тарды талқылап, әкімдер мен қоғамдық ұйымдарға, партия мүшелеріне тиісті тапсырмалар жүктеді.
Жадыра ТӨЛЕГЕНҚЫЗЫ, «Семей таңы
