Қаржы министрлігі Ұлттық банкке базалық ставканы төмендетуді ұсынды. Бұл туралы бүгін мәжіліс кулуарында вице-премьер — қаржы министрі Ерұлан Жамаубаев айтты, деп хабарлайды SemeyTany.kz ақпараттық порталы Stan.kz ке сілтеме беріп.
«Ұлттық банк үкіметпен бірлесіп, базалық ставканы қайта қарауы тиіс. Базалық ставка — экономикадық барлық ставкаларға әсер етеді. Ол депозит, несие, құнды қағаздар және т.б. бойынша ставкалар.
Бір жағынан, Ұлттық банк инфляция деңгейін сақтап тұру үшін ставканы жоғары деңгейде сақтап тұру керектігін айтады. Ал біз оны қайта қарастыру керек деп есептейміз, себебі қазір теңгенің долларға шаққандағы курсы тұрақталды», — деді Жамаубаев.
Вице-премьер қазіргі уақытта үкіметтің міндеті экономиканың өсіміне жағдай жасау екенін атап өтті. Ал базалық ставканы бірқалыпқа түсірмей экономиканы несиелеуге қаражат тарту мүмкін емес.
Айта кетейік, 24 ақпан күні Ұлттық банктің қаржы-несиелік саясат бойынша комитеті базалық ставканы 13,5%-ға көтеру туралы шешім шығарды.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
