Семейге жұмыс сапарымен ҚР Парламенті Мәжілісінің депутаты Әмерхан Рахымжанов келді.
Мәжілісмен Семей медициналық университетінде болып, оқу орнының тыныс-тіршілігімен, техникалық жабдықталуымен танысты. Сонымен қатар жоғарғы оқу орнының студенттерімен және оқытушылармен кездесу өткізді.
— Мен Семей медициналық университетіне келуді осыдан бірнеше жыл бұрын, Тұңғыш Президент кітапханасында жұмыс істеген кезімде жоспарлағанмын. Сол уақытта біз үлкен көрмемен Семейге келіп, конференция өткізгіміз келді, бірақ пандемия біздің барлық жоспарларымызды бұзды. Бүгін, міне, мен кеңес дәуірінен бастап дәрігерлерді дайындап келе жатқан, бүгінгі күні аты әлемге танылған медицина саласындағы жоғарғы оқу орындарының бірі, әйгілі Семей медициналық университетінде сіздермен кездесу бақытына ие болдым. Бұл университеттің түлектері әлемнің түкпір-түкпірінде қызмет істейді. Сіздермен кездескеніме қуаныштымын, — деді Әмерхан Рахымжанов.
Парламент Мәжілісінің депутаты медициналық университеттің техникалық жабдықталуын жоғары бағалады.
Динара НҰРЛЫБЕКҚЫЗЫ,
«Семей таңы»
