Абай облысының әкімі өңірлердегі алғашқы сапарын киелі Жидебай жерінен бастауды жөн көрді.
Мұхтар Әуезовтің 125 жылдығы қарсаңында Бөрілідегі музей-үйге барып, жазушының әке-шешесі мен жақындары жатқан бейіт басына құран бағыштады.
Сондай-ақ, Абай Құнанбайұлының туған жері Сырт-Қасқабұлақтағы саябаққа, Еңлік-Кебек кесенесіне, Ақшоқыдағы «Құнанбай» мұражайына барып, Құнанбай қорымына зиярат етті.
Ендігі кезекте, Абай-Шәкәрім мемориалдық кешеніне барып, ақынның рухына тағзым етеді және аудан тұрғындарымен кездеседі.
