Қазақ күресінен Ырғызбай Досханаұлы атындағы әлемдік Гран-При, аламан бәйге, ақындар айтысы бәскесі – тұжырымдап айтқанда «Тұғыры биік Тарбағатай» спорт және өнер фестивалі аясындағы іс-шаралар кеше 29 шілде күні Ақсуатта басталып кетті.
Сол күні Ақсуат ауылындағы «Ұранқай қажы» мешітінің жанынан салынған медресе салтанаты түрде пайдалануға берілді. Медресенің ашылу рәсімінде Қазақстан Мұсылмандар діни басқармасы ғұламалар кеңесінің төрағасы, пәтуа бөлімінің меңгерушісі, найб мүфти Чуханов Сансызбай Құрбанұлы, Абай облысының өкіл имамы Асқар Әбітайұлы, Ақсуат ауданының әкімі Смаилов Асхат, аудандық ардагерлер кеңесінің төрағасы Итбаев Дәулет, Ойшілік ауылдық ардагерлер кеңесінің төрағасы Болысов Мақсұтхан, Хабар агенттігі акционерлік қоғамының басқарма төрағасы, «Еркін сөз» бағдарламасының авторы Берік Уәли, Шығыс Қазақстан облысы Халифа Алтай жеке қайырымдылық мекемесінің директоры, Өскемен қаласы мешітінің найб имамы Ербол Отанханұлы, Алматы облысының мәслихат депутаты, дін жанашыры Жандос Тұрсынғалиұлы, Ақсуат ауылының тұрғыны Кенжебек Шыныбаев, медресе салуда бас демеуші болған белгілі кәсіпкер, Тарбағатай ауданының «Құрметті азаматы», меценат Қайнар Дүйсенұлы, «ДКПРОЕКТ» ЖШС-нің бас директоры Қайнар Дүйсенұлы және басқалар ізгі тілектерін білдірді.
