Бүгін қала әкімі Нұрбол Нұрсағатов Шаған кентінің тұрғындарымен есептік кездесу өткізіп, халықтың сұрақтарына жауап берді. Кездесу барысында тұрғындар жайылымдық жерлердің жоқтығына, шөп бағасының тым қымбат екеніне шағымданды.
✔️Кенттегі ең үлкен мәселе — шабындық алқаптардың жетіспеушілігі. Кент Бесқарағай ауданының жерінде орналасқандықтан, берілетін жердің ауданы жайылымға 3000 га құрайды. Сондықтан сатылымға шығатын шөп бағасы да қымбат.
Бұл сұраққа қала әкімі: “Бұл мәселені елді-мекеннің шекарасын белгілеу арқылы шеше аламыз. Айта кету керек, бұл біраз уақытты қажет етеді”,- деп атап өтті.
Сонымен қатар қала әкімі Шаған кентіндегі 2023 жылы атқарылатын жұмыстарды да таныстырды.
💬 “Қалалық бюджеттен нақты жұмыстарды жүзеге асыруға 57 млн 383 мың теңге қарастырылған. Биыл мектеп жанынан спорттық нысанды саламыз. Сонымен қатар, Семей қаласының Мәдениет сарайының филиалын ашып, қосымша 2 штат бөлуді қарастырып жатырмыз”,- деді қала әкімі.
