“AMANAT” партиясының Абай облыстық филиал штабында Абай облыстық мәслихат депутаты, халықты әлеуметтік қорғауды, білім және ғылым, денсаулық сақтауды, мәдениетті және спортты дамыту саласындағы тұрақты комиссия төрағасы Рыиза Молдашева, облыстық мәслихат депутаты Қуаныш Қасен Қарағайлы шағын аудан тұрғындарымен кездесті.
Құзырлы орган өкілдерінің қатысуымен өткен кездесу барысында халықтың наразылығын тудырған бірқатар мәселелер айтылды. Олар бірнеше әлеуметтік салаларды қамтыды. Атап айтқанда, мектеп оқушыларын мектепке дейін жеткізетін автобустармен қамтамасыз ету, аудандағы ауруханада мамандандырылған дәрігерлер жоқтығы, тұрғын үй жанын абаттандыру, үйлердің алдында балаларға арналған ойын алаңдарының, аудан аймағында әлеуметтік дүкендердің жоқтығы туралы сөз қозғалды.
Облыстық, қалалық бөлім басшылары тарапынан тиісті жауап беріліп, мәслихат депутаттары тарапынан бұл мәселелер қарастырылатыны айтылды.
