«Денсаулыққа 10 қадам» челленджі облыс тұрғындарын тікелей эфирде бас бейінді мамандармен таныстыруды жалғастыруда

«Денсаулыққа 10 қадам» челленджі облыс тұрғындарын fsms.abai ресми Instagram-аккаунтында тікелей эфирде бас бейінді мамандармен таныстыруды жалғастыруда
Бүгін, 13 маусымда облыстың штаттан тыс бас онкологы Қуантқан Жабағин тікелей эфирдің қонағы болды, ол онкологиялық ауруларды ерте кезеңде қалай диагностикалау керектігін айтты.
Қазақстанда жыл сайын онкологиялық науқастардың саны артып келеді. Алайда, заманауи технологиялардың арқасында қатерлі ісік ауруынан болатын өлім-жітім 33%-ға төмендеді. Жыл сайын 37-мыңнан астам жаңа жағдай анықталады.
Онкологиялық көмек қазақстандықтарға ТМККК шеңберінде көрсетіледі, яғни тегін. Сондай-ақ МӘМС шеңберінде пациенттерге қатерлі ісіктерге, биопсияға, КТ, МРТ-ға күдік туындаған кезде қымбат зерттеулер жүргізу және маммолог, онкохирургтың консультациялары қолжетімді.
«Біздің өңірде ядролық медицина және онкология орталығы жұмыс істейді, оның негізінде емхана жұмыс істейді. Біз күн сайын 200-300 пациентті (бір жылда 50 000-нан астам онкопациент) қабылдаймыз, олар консультациялық-диагностикалық зерттеулерден және терең медициналық тексерулерден өтеді. Онколог дәрігер болмаған немесе медициналық тексеруден өту мүмкіндігі болмаған жағдайда, әрбір пациенттің емдеуші дәрігерден жолдама ала отырып, кез келген басқа медициналық ұйымды таңдауға құқығы бар екенін атап өтемін. Заң бойынша, жолдама болған кезде медициналық ұйымдар арасында шарт автоматты түрде жасалады», – деді Жабағин Қуантқан
Ерте анықтау үшін тегін негізде скринингтік тексерулер жүргізіледі. Жатыр мойны обырын (30 жастан 70 жасқа дейінгі әйелдер, төрт жылда бір рет), сүт безі обырын (40 жастан 70 жасқа дейінгі әйелдер, екі жылда бір рет), колоректальды қатерлі ісік (50 жастан 70 жасқа дейінгі барлық адамдар, екі жылда бір рет) анықтау үшін.
«Адамдардың үнемі кәсіби тексерулер мен скринингтерден өтуі маңызды. Содан кейін дәрігерлер ауруды ерте сатысында анықтай алады. Мысалы, егер қатерлі ісік бастапқы сатысында анықталса, ремиссияға қол жеткізу мүмкіндігі өте жоғары және адам көптеген жылдар бойы өмір сүреді», – деп қосты онколог Жабағин Қуантқан
Абай облысында ірі қалалармен қатар ядролық медицина және онкология орталығы желтоқсан айынан бастап балаларды МРТ-зерттеу жүргізу үшін қабылдай бастады. Бастау үшін «МУС» КЕАҚ балалар бөліміне жатқызу қажет, өйткені кішкентай пациенттер анестезиологпен кеңескеннен кейін көктамыр ішіне аннестезия жүргізеді.
— «Құрметті қазақстандықтар өз денсаулығын сақтаңыздар және қандай да бір белгілер болған жағдайда дәрігерлермен кеңесу қажет. Сондай-ақ, «Қолжетімді дәрігер» жобасы аясында сіз WhatsApp-қа аурухананың жұмысы бойынша пікірлер, ұсыныстар мен тілектер жазылған хабарламалар жібере аласыз немесе call-center 1414-ке қоңырау шала аласыз», – деп хабарлады Жабағин Қуантқан