Абай облысында алапат орын алған болатын. 60 мың гектар жасыл желекті шарпыған тілсіз жау 15 адам мен мыңдаған жан-жануарды да жалмады. Оқиға орында болған мемлекет басшысы Қасым-Жомарт Тоқаев орман өрті салдарынан қаза тапқан жандардың отбасыларына жан-жақты қолдау көрсетілетіндігін айтқан болатын.
Бүгін Абай облысының әкімі Нұрлан Ұранхаев қаза тапқан Саят Нұржігітов пен Амангелді Дүйсембаевтың отбасыларына Семей қаласындағы Қарағайлы ықшамауданындағы жаңа үйден 2 және 3 бөлмелі пәтерлердің кілттерін тапсырды.
— Өртте зардап шеккендердің отбасыларын қолдау бойынша жүргізіліп жатқан жұмыстар біздің тұрақты бақылауымызда. Бүгін біз тапсыратын жаңа пәтерлер барлық қажетті жиһаздармен және тұрмыстық техникамен толық жабдықталған. Біз қосымша көмек көрсетуді жалғастырамыз, — деп атап өтті Ұранхаев.
Қаза тапқандардың туыстары мемлекет тарапынан көрсетілген көмек пен қолдау үшін ризашылықтарын білдірді.
Айта кетсек, мемлекет басшысы айтқан көмек аясында әр отбасыға 7 млн теңге, сондай-ақ, қосымша әр балаға 2 млн теңге төленеді. Көмекке асыраушысынан айрылу бойынша жәрдемақы, біржолғы әлеуметтік төлем, сондай-ақ жайластырылған тұрғын үй беру кіреді.
