“Ауыл” партиясы шалғайдағы ауылдарға мән беріп, ауыл шаруашылығын дамыту мақсатында жұмыс жасап келе жатқан бірден бір партия.
“Ауыл” партиясының негізгі жұмыс бағыттары аграрлы секторды мемлекеттік реттеу мен қолдауды күшейту, ауыл шаруашылығы қызметкерлерінің мүддесін қорғау, қоғамның демократиялануы үшін саяси және экономикалық реформалардың жүзеге асырылуына көмек көрсету, нарықтық экономиканың дамуы, халықтың өмір сүру деңгейін көтеруге ықпалдасу болып табылады.
Еліміздің барлық аймақтарында партия филиалдары белсенді жұмыс нәтижесін көрсетуде.
Абай облысы құрылғалы бері, бір жылдан астам уақыт өтті. Осы аралықтағы партияның біздің облысымыздағы жұмысына тоқтала кету жөн шығар.
Мониторингтік топтар құрып, ауылдарды аралап, мәселелерді көтеріп, оны барынша шешуге тырысып жүрміз. Біз шекаралық аймақта орналасқан облыс болғандықтан, шалғай ауылдарымыздың қаңырап бос қалмасы үшін, интернет желісі, жарықтандыру, жол салу, таза ауызсумен қамтамасыз ету мәселелерін шешуді алға қойдық. Қазіргі таңда жұмыстар жүргізілуде.
Сондай-ақ біздің облыста “Ауыл” партиясының атынан сайланған Курчатов қаласы мен Үржар ауданында маслихат депутаттары бар. Абай ауданың әкімі және Саржал ауылдық округінің әкімі мен Көкпекті ауданы Үлкенбөкен, Аягөз ауданы Қарағаш, Үржар ауданы Барқытбел және де Жаңа Семей ауданы Айнабұлақ ауылдық округ әкімдері бар. Ауылдық округ әкімдерінің бастамасымен қазіргі таңда өз округтері бойынша интернет желісін қосу жұмыстарын жасап, Саржал мен Барқытбел округ әкімдері оң нәтижеге жетті.
Партиямыздың сайлауалды бағдарламасына сәйкес, облыстық филиал тарапынан әйелдер мен балалар құқығын қорғау үшін “Ашық есік күні” сынды акциялар ұйымдастырылып келеді. Психологиялық, заңгерлік тегін консультациялар берілуде. Сот процесстеріне де қатысып, заңды түрде жәбірленуші әйелдер мен балалардың құқығын қорқап жүрміз. “Ауыл” партиясының жанынан “Ауыл әйелдер” әйелдер қанаты мен “Мейірім құшағы” комиссиясы осы бағытта өз жұмыстарын жалғастыра бермек.
Сонымен қатар, спортты дамыту, жасөспірімдерді спортқа баулу мақсатында футзалдан чемпионаттар жылда дәстүрлі түрде өтеді.
Тәуелсіздік қарсаңында жыл сайын дәстүрлі түрде, жас жазба ақындар арасында облыстық мүшайра өткізудеміз.
Біздің болашағымыз -жастар! Осы орайда біз жастарымыздың жан-жақты дамыуына ықпал ету мақсатында жастарға арналған түрлі мастер-класстар мен семинарлар ұйымдастырылды. “Ауыл” партиясының жанынан құрылған “ Ауыл жастары” жастар қанатының да осы таұырыпта қосып жатқан үлесі ерекше.
Президентіміз Қасым- Жомарт Кемелұлының ауылды аймақтарды, ауыл шаруашылығы саласын дамыту бастамасына сәйкес, партия Төрағасы, ҚР Парламент Мәжілісінің депутаты- Егізбаев Серік Рахметоллаұлының тапсырмасымен әрбір ауылдық округтерде, бірінші партиялық ұйым негізінде Партия ошақтары ашылуда. Ол дегеніміз, ауылдағы тұрғындарымыз мәселесін немесе шағымын айтып бара алатын және ауыл ішінде бастама жасап, мәселені оң әрі тезірек шешуге тағы бір мүмкіншіліктің пайда болғаны, ауыл тұрғындармен тығыз байланыс орнатудың оңтайлы тәсілі.
Ауыл шаруашылығын дамыту мақсатындағы бағдарламаларды кеңінен насихаттауға, түсіндіру жұмыстарын жүргізуге, жастарға арналған жеңілдетілген несиелер жөнінде үлес қосудамыз.
Ауыл шаруашылығы мен ауылдарымыз дамыса, ата-бабадан қалған аманатымызды қорғай, салт-дәстүрімізді сақтай білсек, еліміздің жарқын болашағына сенімді боламыз.
Осы орайда, қараша айының үшінші демалысында тойланатын, ауыл шаруашылық күніне орай жарияланып отырған, бұл мақалада ауыл шаруашылық саласында аянбай еңбек етіп жүрген азаматтарды құттықтай кеткім келеді. Сіздер қажырлы еңбектеріңіздің арқасында еліміз өркендей түспек. Ауыл шаруашылық қызметкерлерін шын жүректен мерекелеріңізбен құттықтаймын. Еңбектеріңіз еленсін!
Серік Байғалиев,
“Ауыл” Халықтық- демократиялық патриоттық партиясының Абай облысы бойынша филиалының Төрағасы
