Әл-Фараби атындағы ҚазҰУ-дың жоғары оқу орнына дейінгі білім беру факультетінде шетелдіктердің тілдік және жалпы білім беру дайындығы кафедрасында әлемнің түрлі елдерінен келген шетелдік студенттер оқиды. Олар тек қазақ және орыс тілдерін үйреніп қана қоймай, Қазақстан тарихымен, еліміздің түрлі салаларындағы жетістіктерімен танысады. Кафедра оқытушылары шетелдік студенттерге Қазақстанның дәстүрлерін білуге, қазіргі қазақстандық жастардың толеранттылығын сезінуге мүмкіндік беретін үлкен жұмыс жүргізіп келеді.
Кафедраның оқытушылары ТДМ шеңберінде және онлайн экскурсия форматында «Біздің таза қаламыз» тақырыбында ашық кураторлық сағат өткізді. Іс-шараға әлемнің түрлі елдерінен: Қытайдан, Түркиядан, Үндістаннан келген студенттер қатысты.
Аталған іс-шараның мақсаты: конфессияаралық және ұлтаралық келісімді, мемлекеттер тарихына құрмет пен қызығушылықты тәрбиелеу, сондай-ақ білім алушыларды қоршаған орта проблемаларына және оған ұқыпты қарауға тарту. Оқытушылар шетелдік тыңдаушыларға Алматы қаласының тарихы, экологиялық проблемалар және оларды шешу жолдары туралы айтып берді. Студенттерге осы тақырып бойынша бейнематериалдар және көрініс ұсынылды. Шетелдік студенттер өздері тұратын елдер мен қалалар туралы және қоршаған ортаның өмір сапасына әсері, оны қалай жақсартуға болатындығы туралы қызықты бейнетүсірілім жасады.
Кураторлық сағатта студенттердің тарапынан сұрақтар қойылды, қойылған барлық сұрақтарға толық жауап қайтарылды және көптеген пікір-таластармен жалғасты. Студенттер ақпаратқа қызығушылық танытып, кураторларға алғыстарын білдірді.
Мұндай іс — шаралар шетелдік студенттердің оқу — танымдық қызығушылықтарын қалыптастырады, олардың елтану білімдерін кеңейтеді, орыс және қазақ тілдерін тереңірек меңгеруге ықпал етеді. Аудиториядан тыс жұмыс шетелдік студенттерге тіл мен мәдениетті қабылдау, менталитетті, ұлттық дәстүрлер мен әдет-ғұрыптарды, тұлғааралық қатынастарды түсіну арқылы басқа мәдениетке қосылуға көмектеседі.
Қазмағамбетова А.С., Саденова А.Е.
Шетелдіктердің тілдік және жалпы білім беру дайындығы кафедрасы
Жоғары оқу орнына дейінгі білім беру факультеті
Әл-Фараби атындағы ҚазҰУ
