Кеше облыстағы Аягөз ауданы Аягөз қаласы, ЖаңаСемей ауданы Озерки ауылдық округі, Жарма ауданы Подхозное кенттерінде бірқаатр тұрғын үйлердің аулаларын су басты.
Жарма ауданының Подхозное кентінде кенттің шетінен өтетін даладан еріген су келген Нәтижесінде 3 аула учаскесі су астында қалды. ЖАО күшімен 10 адам және 5 техника еріген суды бұру бойынша жұмыстар жүргізілді. Қазіргі уақытта су басқан тұрғын үйлер жоқ.
Аягөз ауданының Аягөз қаласында Аягөз өзенінің арнасынан су көтерілді. Нәтижесінде 5 аула учаскесі су астында қалды ЖАО күшімен 12 адам және 4 бірлік техника күшімен үйінділер жасалынып, сондай-ақ, өзен жағасын көтеру және нығайту жұмыстары жүргізілуде. Су басқан тұрғын үйлер жоқ. Аула учаскелерінен еріген қар суын шығару үшін Абай облысының ТЖД 7 адам, 2 бірлік техника және 3 мотопомпадан тұратын күштері мен құралдары жұмыс атқаруда.
Жаңасемей ауданы Озерки ауылдық округінің Қаракөл ауылындағы еріген қар суын уақытылы бұру шараларының нәтижесінде аулалардағы су деңгейі азайды. Тұрғын үйлер мен аула аумақтарын су басу қаупі жоқ.
