Нұрлан Ұранхаев Жарма ауданына келіп, қазіргі жағдаймен танысты. Ауданның Үшбиік ауылындағы ахуалды бақылады.
Жергілікті атқарушы орган мен облыстық ТЖД мамандары тарапынан еріген суды бұруға барлық іс-шаралар жасалып жатыр. Қазіргі уақытта су деңгейінің төмендеуі байқалады.
Еске сала кетсек, кеше қардың қарқынды еруі нәтижесінде Үшбиік ауылындағы 2 көшеде қызыл су жүрген еді.
Тұрғындарға көмек көрсету мақсатында 54 адамнан тұратын Абай облыстық ТЖД күштері мен құралдары, 9 бірлік техника, 2 жүзу құралы және 4 мотор сорғылар, сондай-ақ полиция департаментінің жеке құрамынан 10 адам және 4 бірлік техника жұмылдырылды.
Қардың қарқынды еруі нәтижесінде даладан келген қызыл су салдарынан Үшбиік ауылындағы екі шеткі көше су астында қалды.
Барлығы 12 аулаға, оның ішінде 9 пәтерге су кірді. Су басқан 9 пәтердің 4-інде адамдар тұрмайды. .
Су басқан үйлердің тұрғындары туыстарының үйлеріне орналасты.
ЖАО күшімен 15 адам және 5 бірлік техниканың көмегімен еріген суды бұру жұмыстары жүргізілуде.
Қазіргі уақытта су деңгейінің 40 см-ге төмендеуі байқалады, сондай-ақ 4 пәтерде су шығарылды.
Облыс әкімінің тапсырмасы бойынша облыс әкімінің орынбасары Д.Гариков, облыстық ТЖ департаментінің бастығы М.Шапағатов, Жарма ауданының әкімі Жарқынбек Байсабыров оқиға орнында болып, жұмыс барысын бақылауда ұстауда. Осы бағыттағы жұмыстар жалғасуда.
Су басқан аумақта Абай облысының ТЖД тарапынан 54 адам, 9 бірлік техника, 2 жүзу құралы және 4 мотопомпасы, Полиция департаментінің жеке құрамынан 10 адам және 4 бірлік техника жұмыс атқаруда.
