Semeytany.kz — Ертіс өзені жағасында «Семей батыры» атты күштік экстрим турнирі өтті. Бұл жолғы додаға еліміздің түкпір-түкпірінен жиналған спортшылар қатысып, мықтылық пен төзімділікке толы сыннан өтті.
Абай облысы Семей қаласының дене шынықтыру және спорт бөлімі басшысының міндетін атқарушы Қуат Исажанов жарыстың ерекшелігін атап өтті. Оның айтуынша, қатысушылар 70 келі қап көтеріп жүруден бастап, автобус сүйреуге дейінгі бірнеше ауыр кезеңнен өтті. Олар сондай-ақ зерхерді ұзақ ұстау, 32 келілік гір тасын жұлқа көтеру, 50 келілік бөренемен отырып-тұру, ауыр дөңгелек аудару және гантельмен фермерлік серуен сынды күрделі жаттығуларды орындады.
Жеңімпаз атанған қатысушыларға бағалы сыйлықтар мен қаржылай сыйақылар табысталды. Турнир күш пен ерік-жігердің мықтылығын паш еткен шынайы батырлар сайысы болды.
