Semeitany.kz — 28 тамызда Абай облысының әкімі Берік Уәли Грекия мен Болгарияда өткен грек-рим күресінен әлем чемпионатында күміс жүлде алған Нұрдаулет Құмарұлы мен Диас Сейітқалиевті қабылдады.
Аймақ басшысы спортшыларды жеңістерімен құттықтап, еңбегі мен табандылығын атап өтті. Кездесуде Берік Уәли жас балуандардың жетістігіне бапкер Мұрат Болатұлының қосқан үлесін ерекше бағалады.
Нұрдаулет Құмарұлы биыл Вьетнамдағы (U-17) Азия чемпионатында топ жарып, 27-29 шілдеде Афинада өткен әлем чемпионатында күміс жүлдеге қол жеткізді. Диас Сейітқалиев Бішкекте өткен (U-20) Азия чемпионатында 82 кг салмақта жеңімпаз атанып, 21-24 тамызда Самоковта ұйымдастырылған әлем чемпионатында күміс медаль иеленді.
Кездесу қорытындысында қос спортшыға және олардың жаттықтырушысы Мұрат Болатұлына Алғыс хаттар мен ақшалай сертификаттар табысталды.
Кілт сөздер: Берік Уәли, грек-рим күресі, Нұрдаулет Құмарұлы, Диас Сейітқалиев, Абай облысы
