Мемлекет басшысы Қасым-Жомарт Тоқаев бүгінгі жолдауында заңсыз шығарылған активтерді қайтару жөніндегі комитеттің атауын Инвесторлардың құқықтарын қорғау комитеті болып өзгертуді ұсынды.
Мемлекет басшысы Бас прокуратураның заңсыз шығарылған активтердің иелерімен жақсы жұмыс атқарғанын атап өтті.
“Қазынаға шамамен 850 млрд теңге қайтарылды. Бұл қаражатқа 10 мектеп пен 4 спорт нысаны салынып, 235 денсаулық сақтау нысаны мен 177 су инфрақұрылым нысанының құрылысы мен жаңғыртылуы жүргізілді”, – деді президент.
Сондай-ақ ол республикалық бюджетке алдағы уақытта қосымша қаражат түсетінін атап өтті.
