Semeytany.kz — Сауда және интеграция министрлігі сиыр еті нарығындағы баға мен жеткізілімге байланысты шағымдарды қабылдайтын республикалық жедел желі іске қосылғанын хабарлады. Желі азаматтар мен кәсіпкерлер үшін қолжетімді.
Министрліктің мәлімдеуінше, жедел желіге сиыр еті бағасының деңгейі, сауда нүктелеріндегі сауда үстемесі және өнімді жеткізудегі іркілістер туралы хабарлауға болады. Мақсат — халықпен және бизнеспен кері байланысты күшейту, азық-түлік нарығындағы ашықтықты арттыру және жергілікті дабылдарға жедел әрекет ету.
Өңірлер бойынша жедел желі телефондары:
• Астана: 8 (7172) 57-64-02
• Алматы: 8 (727) 392-21-54
• Шымкент: 8 (7252) 53-07-06
• Абай облысы: 8 (7222) 35-37-43
• Ақмола облысы: 8 (7162) 50-29-89
• Ақтөбе облысы: 8 (7132) 54-81-26
• Алматы облысы: 8 (7272) 72-50-083
• Атырау облысы: 8 (7122) 52-03-91
• Батыс Қазақстан облысы: 8 (7112) 50-00-44
• Жамбыл облысы: 8 (7262) 54-21-69
• Жетісу облысы: 8 (7282) 41-56-10
• Қарағанды облысы: 8 (7212) 21-42-08
• Қостанай облысы: 8 (7142) 53-46-80
• Қызылорда облысы: 8 (7242) 71-15-30
• Маңғыстау облысы: 8 (7292) 43-14-34; 8 (7292) 43-01-17
• Павлодар облысы: 8 (7182) 55-10-70
• Солтүстік Қазақстан облысы: 8 (7152) 46-81-33
• Түркістан облысы: Әбдусаттаров Нұрдәулет +7 707 111 65 01; Әшімханов Асқар +7 771 322 82 82
• Ұлытау облысы: 8 (7102) 76-30-10
• Шығыс Қазақстан облысы: 8 (7232) 26-72-07
Үкімет отырысынан кейінгі брифингте Сауда және интеграция министрі Арман Шаққалиев әлеуметтік маңызы бар тауарларға 15% шекті сауда үстемесін сақтау міндетті екенін еске салды. Негізсіз қымбаттату фактілері анықталса, арыз негізінде әкімшілік іс қозғалып, айыппұл салынады. Қазірдің өзінде делдалдарға қатысты 45 әкімшілік іс тіркеліп, 350 млн теңгеден астам айыппұл салынғаны айтылды. Министр сауда саласында 1,5 млн адам еңбек ететінін, «делдалдың бәрін тиімсіз деуге болмайтынын» да атап өтті.
Министрлік азаматтарды бағаға қатысты күмәнді жағдайлар байқалса, көрсетілген байланыс нөмірлеріне хабарласып, дәлелді ақпарат ұсынуға шақырды.
