Semeytany.kz — Қоғам белсендісі Азамат Ерғали әлеуметтік желіде көптен бері мұқтаж жандарға ірі көлемде жәрдем беріп жүрген «Маскадағы адамға» қатысты жазбасымен назар аудартты.
Белсендінің айтуынша, ол аталмыш қайырымды жанды «Димаш Құдайбергенге ұқсатады». «Маскадағы адам – меніңше, бұл біздің Димаш. Ал сіздер не ойлайсыздар?» деп оқырманнан пікір сұраған жазба көптің талқысына түсті.
Желі қолданушыларының бір бөлігі бұл жорамалмен келіссе, енді біреулер мүлде басқа есімдерді атады: белгісіз меценат болуы мүмкін дегендер бар, танымал кәсіпкер деп болжағандар да кездесті.
Әзірге «Маскадағы адамның» жеке басына қатысты ресми ақпарат жоқ. Дегенмен, көпшілік оны кім екені анықталса, қоғамға үлгі болатынын айтып, пікір алмасуды жалғастырып жатыр.
