«AMANAT» партиясының Үржар аудандық филиалының ұйымдастыруымен Қазақстан Республикасының Мемлекеттік егемендігі туралы Декларацияның қабылданғанына 35 жыл толуына орай «Республикам менің!» атты дөңгелек үстел өтті.
Іс-шараға Қаз КСР Жоғарғы Кеңесінің депутаты ретінде Егемендік туралы Декларацияны қабылдау кезінде тарихи шешімге қол көтерген жерлесіміз, партия ардагері, Үржар ауданының «Құрметті азаматы» Нұрланбек Сандыбаев, сондай-ақ жергілікті атқарушы органдардың өкілдері, еңбек ардагерлері, бастауыш партия ұйымдарының төрағалары, қоғамдық ұйымдардың өкілдері мен белсенді жастар қатысты.
Нұрланбек Сандыбаев өз сөзінде 1990 жылы Жоғарғы Кеңестің депутаты ретінде еліміздің тарихындағы айтулы оқиға — Егемендік туралы Декларацияның қабылдануына өз үлесін қосқанын, сондай-ақ осы елдің азаматы ретінде маңызды тарихи сәттің куәгері әрі қатысушысы болғанын ерекше мақтаныш сезіммен атап өтті.
Ардагер ұстаз Амантай Оспанов ұлттық мерекемен қатысушыларды құттықтап, жас буын өкілдеріне ағалық тілегін білдіріп, сөзінің соңында Республика күніне арналған өз өлеңін оқып берді. Кездесу барысында Егемендік туралы арнайы деректі фильм көрсетіліп, қатысушылар еліміздің тәуелсіздікке дейінгі және кейінгі кезеңдер туралы пікір алмасып, өз ойларын ортаға салды.
Іс-шара соңында партия қатарына жаңадан қабылданған азаматтарға партиялық билеттер салтанатты түрде табысталып, естелік сыйлықтар берілді.
