Қай студенттер шәкіртақы алады?
Мемлекеттік стипендия аралық аттестаттаудың (емтихан сессиясының) нәтижелері бойынша «үздік», «жақсы» деген бағаға сәйкес бағалардың баламасын алған, мемлекеттік білім беру тапсырысы бойынша білім алатын студенттерге, интерндерге, магистранттарға, сондай-ақ мемлекеттік білім беру тапсырысы бойынша білім алуға ауыстырылған студенттерге, интерндерге, магистранттарға тағайындалады.
Докторанттарға, резидент-дәрігерлерге және дайындық бөлімшелерінің тыңдаушыларына мемлекеттік стипендия бүкіл оқу кезеңіндегі аралық аттестаттаудың (емтихан сессиясының) нәтижелеріне қарамастан бүкіл оқу мерзіміне тағайындалады.
Бірінші академиялық кезеңге мемлекеттік стипендия мемлекеттік білім беру тапсырысы бойынша бірінші курсқа (бірінші оқу жылына) қабылданған барлық студенттерге, магистранттарға 1 қыркүйектен немесе 1 қаңтардан бастап бірінші академиялық кезең мен каникул аяқталатын айды қоса алғанда, оның соңына дейін тағайындалады.
Келесі академиялық кезеңдерде мемлекеттік стипендия студенттерге, магистранттарға «Мемлекеттік стипендияларды тағайындау, төлеу қағидаларын және олардың мөлшерлерін бекіту туралы» Қағидалардың 5-тармағына сәйкес алдыңғы академиялық кезеңдегі аралық аттестаттау (емтихан сессиясы) нәтижелері бойынша тағайындалады.
Аралық аттестаттауды (емтихан сессиясын) академиялық күнтізбеде белгіленген мерзімде дәлелді себептер бойынша (сырқаттану, отбасы жағдайы, дүлей апаттар, академиялық немесе кредиттік ұтқырлық бойынша оқу) тапсырмаған студенттерге, интерндерге, магистранттарға білім беру ұйымының басшылығы білім алушы растайтын құжаттарды тапсырғаннан кейін аралық аттестаттау (емтихан сессиясын) тапсырудың жеке мерзімдерін белгілейді.
Тапсырылған аралық аттестаттау (емтихан сессиясы) нәтижелері бойынша білім алушылардың аталған санатына осы Қағидаларда белгіленген тәртіппен мемлекеттік стипендия тағайындалады.
Бір оқу орнынан басқасына ауысқан студенттерге, интерндерге, магистранттарға мемлекеттік стипендия алдыңғы семестрдің қорытындысы бойынша осы Қағидаларда белгіленген тәртіппен тағайындалады.
Академиялық демалыстан оралған студенттерге, интерндерге, магистранттарға мемлекеттік стипендияны тағайындау оқу жоспарларындағы академиялық айырма жойылғаннан кейін осы Қағидаларда белгіленген тәртіппен жүзеге асырылады.
Сырқатына байланысты екінші оқу жылына қалдырылған студенттерге, интерндерге, магистранттарға мемлекеттік стипендия олар оралған кезден бастап осы Қағидаларда белгіленген тәртіппен оқу жоспары орындалған алдыңғы семестрдің қорытындысы бойынша тағайындалады.
Тиісті медициналық қорытындысы бар болса, туберкулезбен ауыратын студенттерге, интерндерге, магистранттарға, резидент-дәрігерлерге, докторанттарға мемлекеттік стипендия алдыңғы семестрдің қорытындысына қарамастан еңбекке жарамсыздық кезеңіне, бірақ еңбекке жарамсыздық басталған күннен бастап он айдан аспайтын кезеңге тағайындалады.
Студенттер, интерндер, магистранттар, докторанттар, резидент-дәрігерлерге бала үш жасқа толғанға дейін оның күтіміне байланысты академиялық демалыста болған кезеңде мемлекеттік стипендия тағайындалмайды.
Мемлекеттік стипендияларды тағайындау білім алушылардың үлгерімін бақылау жүктелген бөлімше бастығының қызметтік жазбасы (ұсынуы) негізінде білім беру ұйымы басшысының немесе оны алмастыратын адамның бұйрығымен жүргізіледі.
Мемлекеттік стипендияларды тағайындау:
1) шығарылу себебіне қарамастан, білім алушы білім беру ұйымынан шығарылған жағдайда;
2) білім алушы қайтыс болған жағдайда;
3) білім алушы оқу бітіргеннен кейін оқу бітіргені туралы бұйрық шыққан күнінен бастап тоқтатылады.
Мемлекеттік стипендияларды тағайындауды тоқтату білім беру ұйымы басшысының немесе оны алмастыратын адамның тиісті бұйрығын шығару арқылы жүзеге асырылады.
Мемлекеттік білім беру тапсырысы бойынша білім алатын көру қабілеті жағынан мүгедектігі бар адамдарға және есту қабілеті жағынан мүгедектігі бар адамдарға, жетім балалар мен ата-аналарының қамқорлығынсыз қалған және қорғаншылыққа (қамқорлыққа) алынған балаларға мемлекеттік стипендия растайтын құжаттар тапсырылған күннен бастап және емтихан сессиясының нәтижелері бойынша академиялық берешегі болмаған кезде ұлғайту ескеріліп тағайындалады.
Ағаштарды кесу және бұтақтарын қысқарту үшін рұқсат құжаттарын қалай алуға болады?
«Ағаштарды кесуге рұқсат беру» мемлекеттік көрсетілетін қызметті ірі қалалардың, аудандардың және облыстық маңызы бар қалалардың жергілікті атқарушы органдары жеке және заңды тұлғаларға тегін көрсетеді.
Көрсетілетін қызметті алушы, қызметті алу үшін «электрондық үкіметтің» веб-порталы арқылы электрондық цифрлық қолтаңбамен куәландырылған электрондық құжат нысанындағы құжаттармен бірге өтінішті жібереді.
Қызмет www.elicense.kz (Е-лицензия) деп аталатын электронды порталы арқылы жүзеге асырылады.
Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктері ескеріле отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі мемлекеттік көрсетілетін қызмет стандарты нысанында айқындалған.
Оларды атап айтсақ:
— бекітілген және келісілген қала құрылысы құжаттамасында көзделген құрылыс қызметін, құрылыс-монтаждау жұмыстарын жүзеге асыру үшін жағдайлар қамтамасыз етілген кезде;
— инженерлік абаттандыру объектілеріне қызмет көрсету, инженерлік желілерді реконструкциялау және салу, жерасты және жерүсті коммуникацияларына қызмет көрсету кезінде;
— жұмыс істеп тұрған объектілердің аумағын абаттандыру және эстетикалық түрге келтіру кезінде, жасыл екпелердің сапалық және түрлік құрамын жақсарту қажеттілігі кезінде;
— ағаштар мен бұталар ортақ пайдаланылатын жерлерде өскен кезде.
Ағаштарды кесу рұқсатсыз жүргізіледі:
• жеке тұрғын үй және жеке қосалқы шаруашылық аумақтарында;
• саяжай учаскелерінде;
• авариялық және төтенше жағдайларды жою кезінде, оның ішінде инженерлік абаттандыру объектілерінде;
• адамдардың денсаулығы мен өміріне қауіп төндіретін, сондай-ақ жеке және заңды тұлғаның мүлкіне залал келтіретін ағаштарды санитарлық кесу кезінде.
Ағаштарды кесуге рұқсат алу үшін қажетті құжаттардың тізбесі:
— «Ағаштарды кесуге рұқсат беру» мемлекеттік көрсетілетін қызмет қағидаларына көрсетілетін қызметті алушының ЭЦҚ қойылған электрондық құжат нысанындағы өтініш;
— жер учаскесіне құқық белгілейтін құжаттың электрондық көшірмесі («Жылжымайтын мүлік тіркелімі» мемлекеттік деректер базасында тіркелмеген жағдайда);
— ведомстводан тыс кешенді сараптаманың қорытындысы (мемлекеттік экологиялық сараптаманың қорытындысы) (мәліметтер нысаны);
— қолданыстағы ағаштарды, тұқымдық және сандық құрамын, олардың жай-күйін көрсете отырып, объектінің бағында өсетін жасыл желектерді түгендеу және орман патологиялық зерттеу материалдары;
— ағаштарды өтемдік отырғызу жоспары;
— көшеттерді отырғызу аяқталған күні көрсетілген өтемдік ағаш отырғызу бойынша кепілдік хат.
Рұқсат беру мерзімі — портал арқылы жүгінген сәттен бастап 10 (он) жұмыс күні.
Мемлекет қажеті үшін жер учаскелерінің алынуы мүмкін бе?
Жеті жағдайда мемлекет мұқтажы үшін жер алынады:
Біріншіден, халықаралық шарттардан туындайтын міндеттемелер кезінде жер мемлекетке қайтарылады. Мысалы, Қазақстан белгілі бір нысанды салу үшін шет мемлекетпен халықаралық шартқа қол қоюы мүмкін.
Екіншіден, ол қорғаныс және ұлттық қауіпсіздікті қамтамасыз ету мақсатында салынатын болса;
Үшіншіден, сауықтыру, демалыс орындары (рекреациялық) және тарихи-мәдени мақсатта жер беру керек болғанда және арнайы экономикалық аймақтарды құрғанда;
Төртіншіден, пайдалы қазба кен көзі табылып, қазу керек болғанда;
Бесіншіден, автомобиль және темір жолдардың құрылысы (реконструкциясы) жүргізілетін кезде;
Алтыншыдан, әуежайларды, әуе айлақтарын, аэронавигация нысандарын және авиатехникалық орталықтарды салу үшін;
Жетіншіден, магистрлік құбырлар салғанда (мысалы, магистралды мұнай, газ құбыры) жеке меншіктегі жерлер мәжбүрлі түрде қайтарып алады. Мұның бәрі қолданыстағы Жер кодексінде бекітілген.
Мемлекеттік тұрғын үй қорынан тұрғын үй қалай беріледі?
2025 жылдың мамыр айынан бастап тұрғын үйді табысы төмен қатысушылар пәтерді жалға немесе жалға алуға субсидия ала алады. Ал табысы жоғары қатысушылар-жеңілдікті ипотекалардың бірі бойынша тұрғын үй сатып алу: 2, 5, 7 немесе 9 % ала алады. Бірақ әрқайсысының өз талаптары бар.
Тұрғын үйді бөлуге екі жағдай әсер етеді:
1. Кезекке қою күні.
Сондықтан кезекте тұрғандар алаңдамауы мүмкін-бірінші кезекте тұрғын үйді ең ерте қойылған күні бар қатысушыларға бөледі.
2. Басым санаттарға жататындығы. Оларға жыл сайын қолда бар тұрғын үйдің 70% — ы берілетін болады.
70 % — әлеуметтік осал басымдық: ҰОС ардагерлері, жетім балалар, көп балалы отбасылар, мүгедек балалары бар отбасылар, I-II топтағы мүгедектер, жесірлер.
30% — қалған Санаттар: мемлекеттік қызметкерлер, бюджетшілер, әскери қызметкерлер, қандастар, ауыр сырқаттары бар адамдар.
Негізгі критерийлер-кезекке қойылған күні мен жылы.
Табыс көмек форматына әсер етеді. Табыс бір адамға шаққанда 1 ең төменгі күнкөріс деңгейінен (КД) аз (46 228 ₸) әкімдіктен жалдау немесе субсидия (50 %) арқылы ала алады.
1 КД-ден жоғары табыс-жеңілдетілген ипотека (2, 5 немесе 9% ставкалар) арқылы ала алады.
Барлық кезек пен бөлу «Отбасы банк» АҚ-ның сайтында жарияланады, әр тоқсан сайын жаңартылады.
Азаматтардың қай санаттарына мемлекеттік тұрғын үй қорынан тұрғын үй беріледі?
«Тұрғын үй қатынастары туралы» Қазақстан Республикасы Заңына сәйкес Халықтың әлеуметтiк жағынан осал топтарына жататын азаматтар:
1) Ұлы Отан соғысының ардагерлері;
1-1) жеңілдіктер бойынша Ұлы Отан соғысының ардагерлеріне теңестірілген ардагерлер;
1-2) басқа мемлекеттердің аумағындағы ұрыс қимылдарының ардагерлері;
2) бірінші және екінші топтардағы мүгедектігі бар адамдар;
3) мүгедектігі бар балалары бар немесе оларды тәрбиелеп отырған отбасылар;
4) денсаулық сақтау саласындағы уәкілетті орган бекiтетiн аурулар тiзiмiнде аталған кейбiр созылмалы аурулардың ауыр түрлерiмен ауыратын адамдар;
5) жасына қарай зейнет демалысына шыққан зейнеткерлер;
6) кәмелетке толғанға дейiн ата-аналарынан айырылған жиырма тоғыз жасқа толмаған жетім балалар мен ата-анасының қамқорлығынсыз қалған балалар жатады. Мұндай адамдардың жасы әскери қызметке шақырылған кезде мерзiмдi әскери қызметтен өту мерзiмiне ұзартылады;
7) Қандастар;
8) Экологиялық зiлзалалар, табиғи және техногендi сипаттағы төтенше жағдайлар салдарынан тұрғын үйiнен айырылған адамдар;
9) «Алтын алқа», «Күміс алқа» алқаларымен марапатталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен марапатталған көпбалалы аналар, көпбалалы отбасылар;
10) Мемлекеттiк немесе қоғамдық мiндеттерiн, әскери қызметiн орындау кезiнде, ғарыш кеңістігіне ұшуды дайындау немесе жүзеге асыру кезінде, адам өмiрiн құтқару кезiнде, құқық тәртiбiн қорғау кезiнде қаза тапқан (қайтыс болған) адамдардың отбасылары;
11) Толық емес отбасылар;
12) Асырауында кәмелетке толмаған балалары және жалпы орта, техникалық және кәсіптік, орта білімнен кейінгі, жоғары, жоғары оқу орнынан кейінгі білім беру ұйымдарында жалпы білім беретін немесе кәсіптік бағдарламалар бойынша күндізгі оқу нысаны бойынша білім алатын, бірақ жиырма үш жасқа толмаған балалары бар жесір әйелдер (тұл ер адамдар) жатады.
