Semeytany.kz — Алматылық “Қайрат” клубының қақпашысы Темірлан Анарбековтың қолтаңбасы бар добы аукционда 12 миллион теңгеге сатылды. Қаражат әлеуметтік жағдайы төмен бір отбасыға баспана алып беруге бағытталды.
“Асар-Уме” қайырымдылық қоры ұйымдастырған аукционда кәсіпкер допты 12 миллион теңгеге сатып алған. Ұйымдастырушылардың мәліметінше, түскен қаражат толықтай үй сатып алуға жұмсалды.
Темірлан Анарбеков биыл Чемпиондар лигасының плей-офф кезеңінде жарқырап көзге түсті. Негізгі қақпашы Александар Заруцкий жарақат алғаннан кейін қақпаны қорғауға шыққан ол “Қайрат” пен “Селтик” арасындағы шешуші матчта пенальти сериясында шеберлік танытып, командасының негізгі кезеңге жолдама алуына үлес қосты. Бұдан бөлек, “Пафос” және әлемге әйгілі “Интер” клубтарына қарсы кездесулерде де сенімді ойынымен жанкүйерлердің ықыласына бөленді.
Посмотреть эту публикацию в Instagram
