Іс-шара Абай облысы ішкі саясат басқармасының, «Қоғамдық келісім орталығы – облыстық Достық үйі» КММ, Қазақстан халқы Ассамблеясының Ақсақалдар кеңесі мүшелерінің, сондай-ақ жастар белсенділері мен студенттердің қолдауымен ұйымдастырылды.
Кездесудің басты мақсаты – жас ұрпаққа аға буынның рухани-адамгершілік тәжірибесін жеткізу, еңбекке негізделген өнегелі өмірдің үлгісін көрсету, үлкенге құрмет, ұлттық құндылықтарға деген сүйіспеншілік пен ел болашағы үшін жауапкершілік сезімін қалыптастыру.
Іс-шара барысында Ақсақалдар кеңесінің құрамына жаңа кандидаттар таныстырылды. Жаңартылған құрамға ұлттық дәстүрлерді терең меңгерген, қоғамда жоғары беделге ие, өңірдегі түрлі этностардың өкілдері болып табылатын белсенді азаматтар енгізілді.
Шара аясында қатысушылар мұндай кездесулерді тұрақты түрде өткізу жөнінде ұсыныс білдірді. Сонымен қатар облыс аудандарында бірлескен іс-шаралар ұйымдастыру, мерейтойлық және мәдени шараларға қатысу, волонтерлік және патриоттық жобаларды дамыту, этносаралық келісімді нығайтуға ықпал ету сынды бастамалар көтерілді.
Ақсақалдар кеңесінің мүшелері жастармен өз тәжірибелерімен, оқиғаларымен, естеліктерімен, еңсерген қиындықтарымен және ақыл-кеңестерімен бөлісті. Өз кезегінде жастар өкілдері өздерін толғандырған сұрақтарын қойып, патриотизм, азаматтық ұстаным және қазіргі қоғамдағы дәстүрлердің рөлі жөнінде маңызды тақырыптарды талқылады.
