Жыл басы Наурыз — жаңарудың, жаңғырудың жаршысы. Бұл күн береке — бірліктің, жақсылық тілеудің жалпыхалықтық сипат алатындығымен әсерлі. Бүкіл табиғат, жан — {jcomments on}жануар көктем шуағының қуатымен түлеп, төңірегіміз тың серпін алады. Қысты жаз, түнді күн еңсерген осы шақты «Ұлыстың ұлы күні» деп айрықша дәріптеп, терең мән беріліп келеді. Жұрт арасындағы өкпе — реніштер ұмытылып, көңілдер тек жақсылықты қалайды. Айналасын тазартып, дастархан мәзіріне ден қойған ағайын кешірім мен мейірімнің, үміт пен сенімнің, ізгілік пен сыйластықтың үйлесім табуына әрдайым ықыласты.
Елбасы Нұрсұлтан Әбішұлы Назарбаев таяудағы Бес институттық реформасының бірін «Болашағы біртұтас ұлт» деп атап, «Мәңгілік Ел» идеясы арқауындағы жұмылдырушы құндылықтар – азаматтық теңдік; еңбексүйгіштік; адалдық; оқымыстылық пен білімді қастер тұту; зайырлы ел – тағаттылық елі» екенін айтқан болатын.
Табысты ел, қуатты мемлекет қалыптастыруда қажет деп танылған құндылықтарды қадірлеу, тұрақтылықты бағалау — баршамыздың ортақ міндетіміз. Наурыз мерекесі ырыс пен ынтымақтың баянды болуына негізделген.
Биылғы қой жылы кең ауқымда аталатын Қазақстан халқы Ассамблеясы және ҚР Конституциясының 20 жылдығы, Қазақ хандығының 550 жылдығы, Жеңістің 70 жылдығы, ұлы Абайдың 70 жылдығы секілді мазмұнды мерекелермен ел есінде қалмақ.
Қадірлі ағайын!
Сіздерді Ұлыстың ұлы күні – Наурыз мерекесімен шын жүректен құттықтаймыз! Жаңа күн әр шаңырақтың бақ-берекесін арттырып, арман-тілектердің орындалуына сәттілік сыйласын!
Семей қаласының әкімі Айбек КӘРІМОВ,
Қалалық мәслихат хатшысы Бейсенбек АҚЖАЛОВ.
