Бүгін Алматы қаласындағы Қазақ ұлттық опера және балет театрында қазақ өнерінің абызы Асанәлі Әшімовпен қоштасу рәсімі өтті. Марқұмды Кеңсай-1 зиратына жерледі, деп хабарлайды Semeytany.kz тілшісі Kznews.kz сайтына сілтеме жасап.
Асанәлі Әшімов 1937 жылы 8 мамырда Жамбыл облысы Сарысу ауданы Жайылма ауылында дүниеге келген. Ол Құрманғазы атындағы Қазақ ұлттық консерваториясының театр факультетін актер мамандығы бойынша тәмамдаған.
Көрерменнің жадында ол кино өнеріндегі Бекежан («Қыз Жібек», 1971), Шадияров («Атаманның ақыры», 1971), Мәмбет («Сарқырама», 1973), Қасымханов («Трансібір экспресі») секілді рөлдерімен ерекше сақталды.
Асанәлі Әшімов сахнада да ірі образдарды сомдап, Мұхтар Әуезов атындағы қазақ ұлттық драма театрының талай қойылымына көрік берді. Әуезовтің «Абай» трагедиясында – Керім, «Еңлік-Кебекте» – Кебек, «Қара қыпшақ Қобыландыда» – Айшуақ, «Таңғы жаңғырықта» – Жарасбай, Ғабит Мүсіреповтің «Қозы Көрпеш – Баян сұлуында» – Қодар образын алып шыққан.
Өнер иесі режиссер ретінде де танылып, Н.Гогольдің «Ревизоры», Ғ.Мүсіреповтің «Амангелдісі», И.Оразбаевтың «Мен ішпеген у бар ма?!» секілді қойылымдарды сахналағаны айтылады.
Посмотреть эту публикацию в Instagram
