Президент Қасым-Жомарт Тоқаевтың «Turkistan» газетіне берген сұхбаты армия мен әскери білім саласындағы өзекті мәселелерді ашық көрсетті. Мемлекет басшысы бейбіт уақытта сарбаздардың қаза болуы мен жарақат алуын жол берілмейтін жағдай деп нақты айтты. Бұл – армиядағы тәртіп пен жауапкершілікті күшейту қажет екенін көрсетеді.
Сұхбатта әлімжеттік, жершілдік, рушылдық сияқты теріс құбылыстарға қатаң тосқауыл қою қажеттігі атап өтілді. Сонымен қатар, әскери қызметтің беделін арттыру үшін әскери білім беру жүйесін дамыту, жасөспірімдерге ерте жастан тәртіп пен отансүйгіштік тәрбиесін беру маңызды екені айтылды.
Президенттің блогерлер мен қоғамдағы асыра сілтеуші пікірлерге қатысты айтқаны да назар аударуға тұрарлық. Әрине, сын болуы керек, бірақ ол шындыққа негізделуі тиіс. Армияны толықтай жағымсыз қырынан көрсету жастардың әскери қызметке деген сенімін төмендетеді. Ал шын мәнінде, әскери қызмет көптеген жасқа білім алуға, мамандық игеруге және әлеуметтік қолдауға жол ашып отыр.
Президенттің бұл көзқарасы армияны қорқыныш емес, тәрбие мен кәсіби қалыптасу мектебіне айналдыруға бағытталған. Бұл – қоғам күткен, уақтылы әрі маңызды ұстаным.
Қорытындылай келе, Президенттің бұл сұхбаты армия мәселесіне жан-жақты, байыпты әрі жүйелі көзқарас бар екенін көрсетеді. Ендігі маңыздысы – айтылған талаптар мен тапсырмалардың нақты іске асуы және қоғам тарапынан әділ бақылаудың жалғасуы.
Абай облыстық қорғаныс істері департаментінің
бастығы полковник Руслан Омаров
