Бір мұнаралы Тас мешіт
Бұл ғибадат үйі ХІХ ғасырдың соңында Фатих Мусин есімді татар көпесінің демеушілігімен салынған.
Бір мұнаралы мешіт те Семей өңіріндегі тарихи ескерткіштердің бірі. Семей облыстық өлкетану мұражайының деректеріне сүйенсек, мешіт ғимаратын Стамбулдан келген сәулетші Ғабдулла Эфенді есімді түрік сәулетшісі салған.
Қашқария сапарына кетіп бара жатқан Шоқан Уәлиханов осы бір мұнаралы мешіттің суретін қарындашпен сызған екен.
Мешіттің негізгі экстрерьері — басы конус тәрізділеніп жасалған биік мұнара мен негізгі залдың үстінде орналасқан аласа мұнара. Негізгі залда қасиетті Мекке қаласына қаратылып жасалған михраб бар. Жергілікті жұртшылықтың пікірінше, мешіт астындағы жертөледе ертеректе діни кітапхана болған. Бұл Семей өңіріндегі ең үлкен тарихи мешіт саналады.
Аталмыш ғибадат үйі кеңес дәуірінде жылқы қамайтын орын, астық қоймасы, екінші дүниежүзілік соғыста тұтқынға түскен жапон сарбаздарының барагы, кейінірек балет мектебі, соңынан қатымхана болды. Тек 2005 жылдың жаз айында қайтадан мешіт ретінде есігін ашты.
Мешіт Қазақстан Республикасы Мәдениет министрлігінің шешімімен тарихи-мәдени ескерткіштер қатарына енгізілген.
Қуаныш Жолымбет, «Семей таңы» {jcomments off}
