ШҚО Бас мемлекеттік санитарлық дәрігерінің жаңа қаулысы жарияланды. Онда жазылғандай, өңірдің «қызыл» аймаққа енуіне байланысты бірқатар шектеулер енгізілген. Яғни, карантиндік шектеулер күшейтіледі. Санитарлық талаптар 20 қаңтардан бастап, оның ішінде Ashyq жобасына қатысатын барлық нысандарда да жүзеге асырылады.
Сонымен қатар «концерт залдары, театр, цирк, филармония қызметіне тыйым салынды. Д
іни объектілерде (мешіт, шіркеу, собор, синагога) ұжымдық іс-шаралар (жұма намазы, діни жоралар және т.б.) өткізуге рұқсат етілмейді. Конференция, семинар, көрме, форумдар сынды көпшіліктік шараларды өткізуге де шектеу қойылды. Сондай-ақ түнгі клубтар жабылады», – делінген құжатта.
Спорттық-сауықтыру нысандарына, фитнес және йога-орталықтарына, моншаларға, сауналарға, бассейндерге тек «жасыл» статусы бар адамдар кіргізіледі. Қоғамдық тамақтану нысандарында бір үстелге отыратындар саны төрт адамға дейін қысқарады. Ал кинотеатрлардың толымдылығы 30 пайыздан аспауы тиіс.
«Барлық мектептерде вакцинаның толық курсын алған 9, 11-сыныптар ғана штаттық форматта оқиды. Ал қалған оқушылар онлайн форматқа көшіріледі. Егер бір бала коронавирус жұқтырса, сынып түгелдей 14 күн үй карантиніне оқшауланады. Колледждер мен ЖОО студенттері үшін аралас оқыту форматы бекітілген. Барлық дәрістер онлайн жүргізілсе, тәжірибе, зертхана, семинар сабақтары штаттық режимде өтеді», – делінген аталмыш қаулыда.
Сондай-ақ, облыстың «қызыл» аймаққа өтуіне байланысты 17 қаңтардан бастап облыстың білім беру объектілері өз қызметін жаңа жұмыс режимінде жалғастыратын болады. Вакцинациялаудың толық курсын аяқтаған 9, 11-сыныптар – штаттық форматта, ал қалған оқушылар қашықтықтан оқыту форматына көшіріледі. Сыныпта коронавирустың 1 жағдайы тіркелсе, сынып түгелдей 14 күн үй карантиніне оқшаулануға жатады; колледждер мен жоғары оқу орындарының студенттері үшін аралас оқу форматы бекітілген. Яғни дәрістер онлай форматта, ал тәжірибелік, зертханалық, семинарлық сабақтар штаттық режимде жүргізіледі. Оқу орны әкімшілігінің шешімі бойынша вакцинациялаудың толық курсын аяқтаған студенттерді штаттық режимде оқытуға рұқсат беріледі. Енгізілген шектеулер елдегі және облыстағы эпидемиологиялық жағдайды тұрақтандыруға, аурулар санын азайтуға, неғұрлым қатаң шектеу шараларын енгізуге жол бермеуге бағытталған.
Қаулы 2022 жылғы 17 қаңтардан бастап күшіне енді және оның ресми күші жойылғанға дейін қолданылады.
«СТ» – ақпарат
