Абай атындағы музыкалық-драма театрында Халықаралық әйелдер күніне арналған мерекелік концерт өтті.
Мерекелік салтанатта Семей қаласының әкімі Бақытжан Байахметов құттықтау сөз сөйледі.
— Мемлекет басшысы Қасым-Жомарт Кемелұлы Тоқаев атап өткендей, «әрбір адамның тағдырындағы ең мейірімді және жарқын оқиғалар сіздермен байланысты. Біздің халқымыздың үлесіне тиетін сынақтар кезінде әйелдер халықтың тағдыры үшін жауапкершілікті толық көлемде бөлісті. Біздің көптеген ұлы отандастарымыздың еңбек және жауынгерлік ерліктері ел тарихының жылнамаларына мәңгілікке жазылып, біздің жадымызда сақталып қалмақ», — деді Бақытжан Кәкенқажыұлы.
Бақытжан Байахметовтің айтуынша, мемлекеттік қызметтегі әйелдер жиналған қауымның, ұйымшылдықтың және жауапкершіліктің үлгісін көрсетуде.
Қала әкімі медицина, білім, мәдениет саласы сынды ізгі мамандық иелерінің еңбектерін ерекше атап өтті.
— Әлеуметтік қолдау көрсету саласында жұмыс істейтін нәзік жандыларға ерекше ризашылығымды білдіремін. Қаланың медициналық-әлеуметтік мекемелерінде мұқтаж жандарға күнделікті қолдау көрсететін жүрегі мейірімге толы әйелдер қауымы жұмыс істейді, — деді қала әкімі.
Қала басшысы сондай-ақ өз өмірін құқық қорғау жүйесі мен әскери қызметпен байланыстырған әйелдерге, ауыл еңбеккерлеріне, бизнес ханымдарға, спортшыларға, көп балалы аналарға алғысын білдірді.
Бақытжан Байахметов соғыс және тыл ардагерлеріне ерекше ықыласын білдірді.
— Соғыс ардагерлері мен тыл еңбеккерлеріне тағзым етеміз! Сіздердің қажырлы еңбектеріңіздің арқасында біз бүгін жаңа тәуелсіз, гүлденген Қазақстанды құрып жатырмыз!- деді қала басшысы.
Қала әкімі құттықтау сөзінен кейін әр салада жемісті еңбек етіп жүрген бірқатар нәзік жандыларды медальдармен, грамоталармен марапаттады.
«Қалаға сіңірген еңбегі үшін» медалімен №1 ХҚКО бөлімінің басшысы Гүлнар Ыдырышева, мәдени-сауық орталығының директоры Фаузия Назарова, «ВКМКК» ақ ұн өндіру аппаратшысы Алма Сағандықова, «Зеленстрой» ЖШС жұмысшысы Рагын Тоқтамысова, «Роза ВВК» ЖШС дайындау цехының операторы Розалия Тухватулина марапатталды.
Семей қаласы әкімінің Құрмет грамотасымен мамандандырылған балалар үйінің әлеуметтік қызметкері Кулия Аргингазина, мүгедектер құқығын қорғау белсендісі Айгүл Қасенова, дзюдошы Зере Бектасқызы, «ПБПФ» ЖШС инкубация цехының басшысы Айман Есенжолова, «Авиценна» колледжінің химия және биология пәні оқытушысы Айсура Женпеисова, «Семей Водоканал» авариялық-диспетчерлік қызметінің диспетчері Нинель Қожамжарова, «Восток Бройлер» ЖШС корпустарын дайындау жөніндегі жұмысшы Сәуле Найманова, Семей қаласы бойынша еріктілер қозғалысының үйлестірушісі Евгения Павел, қала әкімі аппаратының техникалық қызметкері Сабина Байжігітова, «ТВК-6» телеарнасының журналисі Вера Кропачева марапатталды.
Марапаттау рәсімінен кейін жиналғандар Семей қаласының шығармашылық ұжымдарының күшімен әзірленген мерекелік концертті тамашалады. Концертте «Травиата» және «Сицилиялық кешкі ас», Бабаджанянның «Ноктюрн» операларынан үзінділер, қазақ халық әндері мен билері, басқа халықтардың танымал әуендері орындалды. Нұр-Сұлтаннан арнайы шақырылған Қазақстан Республикасының еңбек сіңірген қайраткері Ерлан Рысқали да өз өнерін көрсетті.
Кеш соңында бүлдіршіндер залдағы барлық әйелдерге көктем мен өркеңдеу символы – қызғалдақтарды сыйға тартты.
Анар АХМЕТҚАЛИЕВА
