ЖЕРГЕ ОРНАЛАСТЫРУ ЖОБАЛАРЫ ДАЙЫНДАЛУДА
Биыл жерге орналастыру жобаларын дайындау үшін 7,2 млн теңге бөлінді. Бұл туралы Аймақтық коммуникациялар қызметінде өткен баспасөз мәслихатында қалалық жер қатынастары бөлімінің басшысы Құдайберген Сейілханов мәлімдеді.
– Осы жылға арналған бюджеттік сыныптаманың үш коды бойынша түсімдер жоспары мынадай: жер учаскелерін жалдау құқығын сату – 180,0 млн теңге; жер учаскелерін жеке меншікке сату – 200,0 млн теңге; жер учаскелерін пайдалану үшін төлем – 130,0 млн теңге, – деді Құдайберген Сейілханов.
Сонымен қатар жер қатынастары бөлімі бюджетке түсетін түсімдерді орындау бойынша мемлекеттік мүлік тізілімінің веб-порталы арқылы электрондық қызметтерді жүргізетін болады. Сауда-саттықтың осы түрін пайдалану кезінде сатушы мен әлеуетті сатып алушылардың байланысы мүлдем болмайды. Демек, бұл сыбайлас жемқорлық құқық бұзушылықтарының пайда болу мүмкіндігін болдырмайды. Сондай-ақ бәсекелестік деңгейін арттыра отырып, қатысушылардың кең ауқымын тартуға мүмкіндік береді. Аталған мәселе жер қатынастары бөлімінің тұрақты бақылауында.
Семей қаласының Ақпараттық орталығы
