Semeytany.kz – Абай Құнанбайұлының 180 жылдық мерейтойы қарсаңында Жидебайдағы музей-қорық аумағында Beeline ұялы байланыс операторының интернет желісі іске қосылды. Бұл тарихи-мәдени кешенге келетін туристер үшін аса маңызды жаңалық болды.
Облыс әкімі Берік Уәли Жидебайға арнайы барып, жаңа антенна-діңгекті құрылғының жұмысымен танысты. Оның айтуынша, жоба облыстық бюджет есебінен қаржыландырылып, мерейтойлық іс-шаралар аясында жүзеге асырылып отыр.
– Ақпан айындағы Абай ауданына сапарым кезінде бұл мәселе көтерілген еді. Қолдау білдіріп, бюджеттен қаржы бөлдік. Енді Жидебаймен қатар, оның маңындағы елді мекендер де интернетпен қамтылатын болады. 1 тамызда Бөріліде де антенна орнату жұмыстары аяқталады. Осылайша, Абай ауданы облыстағы 100 пайыз интернетпен қамтылған алғашқы аудан болады, – деді облыс әкімі.
Бұл жаңалық Абайдың мерейтойы қарсаңында өңірдің инфрақұрылымдық және туристік әлеуетінің артып келе жатқанын көрсетеді.
