Оқушылардың оқу жетістіктерін бағалау ережелеріне өзгерістер енгізу туралы бұйрыққа қол қойылды. Бұл туралы Білім және ғылым министрі Асхат Аймағамбетов Facebook-те жазды.
Бұйрықта «Алтын белгі» төсбелгісін алу талаптары айтарлықтай күшейтілген.
Осылайша, келесі жылдан бастап 9-сыныпты аяқтап, арнайы аттестат және 10-11 кластардың барлық оқу тоқсаны бойынша «үздік» деген баға алған оқушылар «Алтын белгі» төсбелгісіне үміткер бола алады. Сонымен қатар талапкерлер НЗМ базасында математикадан емтихан тапсыруы керек. Бұл шара академиялық адалдықты қамтамасыз ету үшін қабылданғанын түсіну маңызды. Бұл ретте НЗМ-де емтихан тапсыратындарға да, жалпы білім беретін мектеп базасында тапсыратындарға да тапсырмалар бірдей болады, — деп жазды министр.
Былтыр «Алтын белгі» алғандар саны рекордтық көрсеткішке жеткен еді. Министр олардың кейбірінде ҰБТ нәтижесі төмен болғанын жазды.
Осыған байланысты үміткерлерді үздік белгісіне объективті және ашық бағалау үшін емтихандардың бірі тәуелсіз білім беру ұйымында өтеді. Биыл мектеп бітірушілер емтиханды өз мектебінде тапсырады. Сонымен бірге белгіден бас тарту туралы өтініштер жарамсыз. Талаптарға сай келетін үміткерлер белгіленген тәртіпте қорытынды аттестациядан өтеді, — деді ол.
Нормалар келесі жылдан бастап күшіне енеді, алайда биыл ҰБТ қорытындысы бойынша бұл белгіні берудің объективтілігі бағаланады.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
