Қытайда таңертең әуежайда 113 жолаушысы бар ұшақ өртенді, – деп жазады inform.kz.
Чунциндегі Цзянбэй халықаралық әуежайында Чунцин-Лхаса бағытындағы ұшақ ұшу-қону жолағынан шығып кеткен соң өртенді. Ұшақта 113 жолаушы мен 9 экипаж мүшесі болды.
Барлығы эвакуацияланды, алайда өрттен зардап шеккендер бар.
Бүгін жергілікті уақыт бойынша сағат 08:09-да Tibet Airlines компаниясының ұшағы ұшу-қону жолағынан сырғып шығып, өртеніп кеткен. Құтқарушылар 113 жолаушы мен 9 экипаж мүшесін қауіпсіз жерге шығарды.
Жарақат алған 40-тан астам жолаушы ауруханаларға жеткізілді.
Оқиғаның себебі анықталып жатыр.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
