Облыс әкімдігінде қала және аудан басшыларының қатысуымен жиын өтті. Аймақ басшысы Даниал Ахметовтің төрағалығымен өткен отырыста бірнеше мәселе талқыланды. Олардың ішіндегі ең маңыздысы — жылыту маусымына дайындық.
Облыс басшысы, өткен жылдағыдай, көмір жеткізудегі олқылықтардың алдын алу үшін энергетика және ТҮКШ басқармасына «ҚТЖ» ҰК «АҚ және» Қаражыра » АҚ-мен бірлесіп, әр ай бойынша нақты деректермен тиеу кестесін әзірлеуді тапсырды.
— Биыл бізге 4 271 мың тонна көлемінде қор қажет, бұл өткен жылмен салыстырғанда 400 мың тоннаға артық. 10 ЖЭО, 4 ГЭС, 520 қазандық, барлық әлеуметтік объектілер мен тұрғын үйлер дайын болуы тиіс. Сондай-ақ тұйықтарда дүрлігудің алдын алу үшін біз қосымша тағы төрт жөнелту нүктесін ашамыз. Риддер жылу электр станциясына келетін болсақ, жақын күндері оған бейінді министрліктен комиссия келеді. Басшылық жөндеуге бес миллиард теңге қажет екенін мәлімдеді, бірақ мұндай шығындардың құжаттық негіздемесін ұсынған жоқ,- деп атап өтті облыс әкімі.
Жиында сонымен қатар жайылымдық жерлерді қайтару мәселесі де талқыланды.
Аймақ басшысының айтуынша, бұл жұмыс өңірде жақсы жүріп жатыр, жерді қайтарып алу алгоритмі бар, өткен жылы 34,8 мың гектар жер қайтарылды. Алдағы уақытта да бұл бағыттағы жұмыстар жалғасады.
Даниал Ахметов балалар үшін жазғы демалысты ұйымдастыру ісі өзекті екенін айтты.
— Мен білім басқармасына жазғы тілдік мектептердің жобасын әзірлеуді тапсырдым, онда қалалық оқушылар қазақ тілін, ал ауылдық жерлердегі балалар ағылшын және орыс тілдерін оқи алады. Сондай-ақ біз Аюда демалыс базасындағы «Алқызыл желкендер» жазғы лагерін маусымға қарай жөндеуді жоспарлап отырмыз,- деді Даниал Кенжетайұлы.
Динара НҰРЛЫБЕКҚЫЗЫ,
«Семей таңы»
