Жуырда облыстық білім басқармасы 2021-2022 оқу жылының қорытындысы бойынша аудандық және қалалық білім бөлімдерінің басшылары, ТжКБ директорлары, мамандандырылған, арнайы ұйымдар мен жетім балаларға арналған ұйымдардың директорлары «Шығыс Қазақстан облысының білім беру жүйесі» тақырыбында кеңес өткізді.
Мемлекет басшысы Қасым-Жомарт Кемелұлы Тоқаевтың Жарлығымен Абай облысы құрылды. Осы ретте Шығыс Қазақстан облысынан Абай облысы құрамына берілетін білім беру мекемелері белгілі болып отыр. 10 аудандық және 2 қалалық білім бөлімі, 40 колледж, 301 жалпы білім беретін мектеп, 157 балабақша, 3 мамандандырылған мектеп, 16 арнайы ұйым және жетім балаларға арналған 4 ұйым Абай облысына ауысқан.
«Кеңес барысында білім беру жүйесіндегі 25 жылдық бірлескен жұмыстағы жетістіктер туралы айтылып, Шығыс Қазақстан облысы педагогтері жаңадан құрылған Абай облысынан келген әріптестеріне сарқылмас ынта мен оптимизм, үздік идеялар мен кәсіби жетістіктер тілектер тілеп, алғыс айтты.
Жиыннан кейін Халық әртістері ағайынды Абдуллиндер атындағы Шығыс Қазақстан өнер училищесінің педагогтері кеңеске қатысушылар алдында концерт берді», — деп жазады ШҚО білім басқармасының баспасөз қызметі.
«СТ» — ақпарат
