Күні кеше Абай ауданында Әлихан Бөкейханов университеті ұйымдастырған ғылыми-практикалық конференция өтті. Біздің редакция осынау ірі жобаны оқиға орнынан көрсету үшін Мұхтар Омарханұлының туған жері – Бөріліге аттанды. Заңғар жазушының еліне барған сәтте, махаббат символына айналған қос ғашық «Еңлік-Кебек» кесенесіне соғуды жөн көрді. Бүгінгі таңда жас ұрпақ ақсақалдардың шешімімен қатаң жазаланған екі ғашық туралы аңызды білу қажет деп ойлаймыз.
1960 жылы Абай ауданының тұрғындары қос ғашыққа өз қаражаттарынан кесене тұрғызған болатын. Бүгінде облыс әкімі Нұрлан Уранхаевтың тапсырмасы бойынша, кесене ұзақ уақыт бойы апатты жағдайда болғандықтан, қайта қалпына келтірілуде.
Қайта қалпына келтірілу тамыз айының аяғында басталды. Сонымен қатар қос ғашыққа арналған ескерткіш орнатылмақ. Осы жылдың қыркүйек айының соңында аяқталады деп жоспарлануда.
