Абай облысында бірқатар департаменттің басшысы тағайындалды, деп хабарлайды Semeytany.kz Абай облысы әкімдігінің баспасөз қызметіне сілтеме жасап.
Баспасөз қызметінің мәліметтеріне қарағанда, Абай облысының әкімі бұған дейін тағайындалған департаменттер басшыларын таныстырды.
— Экология, геология және табиғи ресурстар министрлігі аппараты басшысының бұйрығымен Абай облысы бойынша облыстық орман шаруашылығы және жануарлар дүниесі аумақтық инспекциясының басшысы лауазымына Мақсат Елемесов тағайындалды
— Абай облысы бойынша еңбек және әлеуметтік қорғау комитеті департаментінің басшысы лауазымына Анар Ерембаева тағайындалды.
— Абай облысы тұтынушылардың құқықтарын қорғау бойынша департаментінің басшысы лауазымына Асхат Сағидолдин тағайындалды.
— Абай облысы бойынша техникалық реттеу департаментінің басшысы лауазымына Айнара Мұхаметқалиева тағайындалды.
— Абай облысы бойынша экология департаментінің басшысы лауазымына Серік Сарбасов тағайындалды.
