Қазақстан Республикасы Парламенті Мәжілісіндегі “AMANAT” партиясының фракция депутаттары Нұртай Сабильянов, Ринат Зайытов, Мақсат Толықбай, Самат Нұртаза Абай облысына келіп, эвакуация пункттеріне барды.
Мәжіліс депутаттары эвакуацияланған тұрғындармен әңгімелесіп, хал жағдайларын білді.
«Жергілікті адамдар тамақтандырып, барын салып, күтіп жатыр. Дегенмен де ауыл-аймағымыз не боп жатыр екен деген алаңдаулы күйдеміз. Үйге қайтқымыз келеді», — дейді ауыл тұрғындары.
Абай облысында 800 адамға дейін сыйымдылығы бар тоғыз эвакуациялық пункт дайындалды.
Озерки ауылдық округінің Каштак, Половинки, Тепкаши және Талица ауылдарының 50 тұрғынын, оның 13-і бала, Қалматаев атындағы жоғары медициналық және М.Әуезов атындағы педагогикалық колледждері қабылдады.
Эвакопункттер келушілердің уақытша тұруы үшін қауіпсіз жағдайларды қамтамасыз етілді. Осы пункттердің әрқайсысында ыстық тамақпен қамтамасыз ету және бірінші кезекте қажетті заттарды беру ұйымдастырылған.
Халықты жедел эвакуациялау үшін 10 автобус жіберілді. Қажет болған жағдайда көмекке мұқтаж барлық адамдарды қабылдау үшін қосымша эвакуациялық пункттер ұйымдастырылады.
«AMANAT» партиясының Абай облыстық филиалының баспасөз қызметі
