Semeytany.kz – Бесқарағай ауданында Ерназар, Беген және Глуховка ауылдық округтерінде әрқайсысы 100 орындық жаңа мәдениет үйлерінің құрылысы жүріп жатыр.
Ерназар ауылындағы жобаның құны 346,4 млн теңге болса, оның 200 млн теңгесі бөлініп, жұмыстың 30%-ы орындалған. Беген ауылында нысан 391,8 млн теңгеге жоспарланып, биыл 81,5 млн теңге игерілмек. Ал Глуховкадағы 477,9 млн теңгелік жобаға 172,9 млн теңге бөлініп, 70%-ы аяқталды, 82,3 млн теңге игерілді.
Жаңа мәдениет үйлері ауылдардың өнер мен шығармашылық өмірін жандандыруға мүмкіндік береді деп күтілуде. Қазір ауданда 1 мәдениет үйі, 10 ауыл клубы, 1 орталық және 19 ауыл кітапханасы жұмыс істейді. Жыл басынан бері бұл мекемелерде 130-дан астам мәдени шара өткізіліп, 6 мыңнан аса адам қатысқан.
